Ang kamatayon sa tawo

Makapasubo kaayo ang nahitabo kang Kalihim Jesse Robredo tungod sa wala niya dahoma nga kamatayon

Ingon gayud niini ang lakaw sa kinabuhi sa tawo, may mamatay sa kamatayong natural, may sa dagkong balatian, ug may kamatayon sa disgrasya.

Ang kamatayon way gipili, maayong tawo ug dautan managsama ra ang dangatan, kay wa gyuy mogamot ning kalibotana, kay nahasulat na sa Biblia nga human sa kamatayon mao ang paghukom.

Nasulat usab sa Biblia nga inigbalik ni Kristo may hiabtan Siyang mga tawong buhi nga di na makatilaw og kamatayon. Kay sa Iyang pagbalik may mga tawo siyang banhawon, diin bisan kadtong nangamatay sa dagat ug ang anaa sa lubnganan magdungan sa pagbangon ug pagkabuhi aron kauban sa mga buhi nga hiabtan Niya mosugat Kaniya sa panganod padung ngadto sa bag-ong langit ug yuta.

Unya human sa 1,000 ka tuig may laing grupo na usab sa mga minatay nga mabuhi, apan di padung sa langit kay ipakanaog man sa Dios ang kayo nga maoy langoyan sa maong grupo.

Daghan kaayo ang second batch nga mabuhi sumala sa Biblia kay sama sa gidaghanon sa bas sa dagat, busa bisan init apan kumo kay daghan makalingaw lang gihapon. Ang nakapait lang kay ang pagsukod sa tawo kun angay ba siyang makauban sa first batch sa mga mabanhaw inig-abot ni Kristo kay karong buhi pa siya.

Kay inig-kamatay sa tawo, may desisyon man dayon ang Dios kaniya, angay ba siya sa langit o kaha sa impiyerno.

Busa inig-kamatay sa tawo nga ma-desisyonan sa Dios nga angay siya sa impiyerno, bisan pila pa ka milyon ka pesos ang gastohon sa iyang pamilya aron makauban siya sa first batch nga mao ray balikon ni Kristo di na mosaler. Maoy hinungdan nga kadtong makaamgo karon nga may grupo sa mga tawo nga maoy balikon ni Kristo, mohinayhinay gayud og kamas pagsusi niini mintras may kinabuhi pa, kay inig-kamatay, aw kinsa pa bay makasuroy-suroy aron pangitaon ang maong grupo sa mga tawo nga angay sa first batch.