P300 pagpa-drug test ug libreng medical exam

Bag-o lang kong nagpa-renew sa rehistro sa akong sakyanan sa Mandaue LTO. Nagpauban kong Sal Baybay, kanhi registrar sa Toledo LTO. Iya kong gidala sa clinic ni Dr. Danny Cortes Dionson, among others, paglukat og insurance.

Gitabangan ko sa taga-clinic ni Dr. Dionson pagpreparar ug pag-comply sa mga  requirements, ug kini nakahatag kanamo sa tumang kasayon. Ug among nasayran nga P300 ra ang bayranan pagpa-drug test ug libre na ang medical examination.

Akong gipangutana si Dr. Dionson kun alang ba lang kadto sa mga senior citizen, tubag niya … alang sa tanan. Akong giingnan si Sal Baybay nga gumikan niini, sa Mandaue na lang gyud ko magpa- renew sa rehistro sa akong sakyanan, kay dili kita mahasol.

Samtang sa laing bahin, nag-anam na og kaikag ang mga senior citizens sa dakbayan sa Sugbo pagpamiyembro sa United Senior Citizens Multi-Purpose Cooperative of Cebu City, Inc. Nagpadayon na ang mga Pre-Membership Seminar.

Sa Duljo Fatima, tapus sa seminar, 17 sa kapin sa 20 ka participants ang dihadiha mibayad sa membership fee, duha niini, sila si Edgardo P. Billones Sr. ug Victorietta E. Billones mi-subscribe sa capital buildup sa tag-P2,000.

Ang mga napasakop nga mi-advance og P20 alang sa subscription sila si Dionisia Alberca, Eugenia Bahan, Visitacion Villacorta, Gregorio Arenas, Gil A. Pajuleras, Purification Inso, Julieta Gabon, Jaime Dominisac, Samuel Rejobo, Matilde Rejobo, Emilia Zapanta, Patricio Ibona, Viviana Manayon, Flordenilla Libosada, Ma. Consuelo Arenas.

Ang sunod nga Pre-Membership Seminar himoon sa Brgy. Apas, sa kang Chit Lugo nga chapter. Matud niya, iya rang ipahibawo ang venue ug kanus-a. Sa pagkakaron, kapin na sa 25 sa iyang mga sakop ang mi-signify nga mutambong sa seminar.

Ug sa miaging pag-take oath sa mga opisyales sa Coop, 22 ka senior ang nagpasakop, sila si Emma Leopoldo, Flora Lasprilla, Norma Llaguno, Rolando Llaguno, Vivencio Navarro, Benjamin Batidor, Medy Rago, Trifuna Tan, Claudia Angcon, Nilda Ferrer, Eleonor Tapere, Nila Cortes, Segundino Campomanes, Pablo Maylo, Ermelinda Estrera, Maria Mariano, Rosalinda Salazar, Necifora Gonzales, Leonora Tarungay, Ma. Carmen Rama, Romeo Rama.

Sa miaging tigum sa Coop, 11 ka senior ang nagpasakop, mi-subscribe dayon sa capital buildup, sila si Eugene Gamallo, Agustina Raganas, Ligaya Veloso, Potentiano Amaya, Clemencio Florentino, Asterio Tadlip, Paz Olaes, Renee Palatolon, Victoria Abodilla, Gleceria Grace Ylaya.

Atong makita dinhi nga nagkadasig na ang mga senior citizens ning dakbayan sa Sugbo pagpasakop sa kooperatiba.

Meanwhile paminaw kanunay sa Senior Citizens Hour sa dyRC 648 kHz matag Sabado, Tels. 4125249, 4125298.