Pagpamalandong alang sa Malangkubong Kaayohan

Tumong

Gisultihan sa maestra ang inahan nga paligoon gyud ang iyang anak ug siguro kay wala nay motapad sa bata tungod sa kabaho apan ang inahan misinta kay matod pa niya iyang gipatungha ang iyang anak dili para simhoton. Ang iyang tumong nga pakat-onon ang bata sa mga leksyon.

Ang matag tawo adunay hinungdan ngano nga siya padayong nakigbisog sa kinabuhi. Nagkadaiya ang mga tinguha ug tungod niini usa’g-usa kanato mopakita sa atong abilidad aron sa ingon makab-ot ang atong mga tumong. Sama sa mga estudyante gipatungha sa mga ginikanan aron ugma damlag aduna sila’y maanindot nga kaugmaon apan usahay kadaghanan kanila wala mosubay ug gipalabi ang hugoy-hugoy nga ang resulta mao ang ilang kapakyasan ug kaalautan.

Ang Ginoo nihatag kanato og daghang kahigayonan alang sa atong paglambo. Kay diha sa pagkugi ug disiplina mahimo kitang mabungahon dili lamang sa atong pamilya hangtod usab sa atong katilingban. 

“Strike while the iron is hot!”