Bisan walay medalya

Ang 11 ka mga atleta nga atong gipada sa London Olympics wala makauli nga dunay medalya sa ilang liog. Apan bisan pa niini angay gihapon sila nga atong dawaton sa mainiton nga pagdawat sa ilang pag-uli.

* * *

Kini maoy sugyot ni Rev. Luis Perez usa ka misyonaryong Mexicano. Angay kuno nga pahalipayan ang atong mga atleta tungod kay kini sila naninguha baya nga makahatag og kadungganan sa Pilipinas.

* * *

“They did not only strive to win medals for their country,” matud niya, ‘But also to save their faces in the event of failure.”

* * *

Sayud kining atong mga atleta, matud pa niining Mexicanong misyonero, nga ang ilang kapakyasan dili makaayo sa imahe sa ilang nasud ug makahatag usab kauwaw sa ilang kaugalingon.

* * *

Busa dili mahitabo nga wala sila maninguha nga maka-medalya atol sa ilang pagpakigbugno sa ubang atleta gikan sa ubang kanasuran.

* * *

Si Rev. Luis Perez usa ka journalist nga konektado sa usa ka US-based nga religious news agency. Ni-cover siya sa London Olympics ug giinterbiyu siya sa Johnny Sarmiento usa ka Davaweno nga nagtrabaho sa usa ka engineering firm sa London.

* * *

TRIVIA. Maayong buntag sa atong mga higala diha sa Lahug ug kasikbit nga mga dapit. Daghang salamat sa inyong suporta sa Banat News.