Duha ka dalan sa kinabuhi

May sugilanon ang mga lumad nga Amerkano mahitungod sa duha ka dalan sa kinabuhi. Ang usa ka agianan dali ra ang pagdulhog sa ubos. Halapad kini ug dali ra agian apan ang ubos niini usa ka disyerto ug kamatayon ang sangpotan sa makaabot didto. Ang usa ka dalan malisod ug gani ang mga kusgan maoy makalahutay sa paglatas niini, apan ang makalabang maayo ang sangputan.

Ang pagkinabuhi dili sayon. Ang mahimong kinabuhi sa usa ka tawo nag-agad kini mismo sa tawo. Kung unsa man ang iyang naangkon kana iyang gipili. Ang mga malig-on nga tawo andam moatubang sa tanang mga babag ug kalisdanan ug sagad kanila nakaangkon sa kalamposan sukwahi sa mga tawong ang tumong sa kinabuhi mao ra ang kasayon ug magpaabot lang og limpyo gikan sa kahago sa uban. Ang lintunganay sa maong panglantaw mao ang kapakyasan ug kaalautan kay mahimo man siya nga ulipon sa kaulahian.

Asa man ka niining duha?

"Ang plano sa makugihon modangat sa pagkamadagayaon apan ang madalidalion nagdali lamang sa kawad-on." (Prov.21:5)