EDITORYAL - Ang kausaban sa klima sa kalibotan

Matag karon ug unya nagkalainlain ang katalagman nga moabot sa yuta nga bunga sa climate change kon kausaban sa klima sa kalibotan.

Katumanan lang sa giingon nga    ang kahimtang niini karon sama sa usa ka tawong hubog nga nagsusapinday ug ang pagkalukapa na lay kuwang.

Ania ang tanang matang kalamidad, nga may mugna sa tawo ug may mugna usab sa kinaiyahan.

Ang mga katalagman nga mugna sa tawo mao ang sunog gubat ug uban pa, samtang ang mugna sa kinaiyahan mao ang bagyo, linog, baha, ug uban pa,

Apan matag kalamidad mosingil gyud og kinabuhi nga sa wala paabota sa tawo ang hiatlan niini di gyud makaikyas.

Ang mga nagkalainlaing katalagman sama sa gubat, linog, gutom, kamatay, ug tanang klase nga kadaotan sa tawo maoy pipila sa timailhan nga gikan sa pagsusapinday hingpit nang malukapa ang kalibotan o moabot na sa iyang katapusan nga dunganan sa pag-abot ni Cristo.

Daghan kaayong di motuo ning estoryaha ug gani ang uban mobugal-bugal pa ug miingon, estoryaheeeeeee.

Apan ang tinuod una matawo si Crsito may gitudlo ang Dios nga mosangyaw bahin sa Iyang pagkatawo kay giandam Siya nga maoy manluluwas sa kalibotan ug si Juan Bautista maoy gitahasan niini kaniadto.

Ang iyang pagbalik ning katapusang mga adlaw may gitahasan    usab ang Dios nga nagpahibawo sa katawhan nga mangandam ang tanan kay taliabot na si Cristo.

Kay ang tanang timailhan nga Iyang gisulti nga timaan sa Iyang pagbalik natuman na ug ang gitahasan sa pagsangyaw niini nahisama kang Noe niadtong gipabuhat kini sa Dios   og arka aron pasakyan sa mga tawo kay pabahaan sa Dios ang yuta, daghan kaayong mibugal-bugal kang Noe ug miingon estoryaheeeeeee, Noe.

Pipila lang ang naminaw kang Noe , busa walo ra   ka tawo ang naluwas uban sa mga mananap nga nakasakay sa arka.

Susama usab karong panahona nga sa kadaghang tawo sa kalibotan pipila lang ka porsento ang nagpakabana, apan mas suwerte og dyutay kadtong nagpakabana kay sa pag-abot sa maong higayon di makalitan.