Sa ginagmay'ng paagi

Mahinungdanon ang incentive bisan pa man sa iyang kagamay. Paagi kini aron makaikag kang bisan kinsa nga imong gipatrabaho og bisan unsa. Pagpakita kini nga gihatagan mo og bili ang ilang kahago. Mahinungdanon alang kanimo dili lang gitrabaho kun dili sa mga nagtrabaho gyud mismo.

Kini pud unta ang angayang tan-awon ni bisan kinsang nalambigit diha sa patigayon ug patrabaho. Hinumdomi, dili lang paigo ang paghatag og suweldo ni ang pagkab-ot og ginansiya sa imong paningkamot. Hinunoa, kini ang nagpasabot usab og pagtuo nga ang tawo maoy imong ikauban sa bisan unsang matanga sa trabaho.