Mihangyo si lola ni P-Noy

Usa ka lola nga 70 anyos ang pangidaron ang mipadag suwat ngadto sa Presidente kinsa iyang gihangyo nga mopakanaug og mandatory nga kasuguan diin ang tanang sakyanan de motor (motor vehicle) susihon kun dili pa depektuso ang preno kon brake niini.

* * *

Si lola Martina (apilyedo gipugngan) napugos sa paghangyo sa Presidente tungod kay matud niya nawad-an siyag anak nga babaye ug tulo ka mga apo nga lalaki kinsa nangamatay sa usa ka aksidente diin ang giluwanan nilang sakyanan adunay depektuso ang preno.

* * *

Wala makontrolar sa drayber ang sakyanan dihang dili kuno mokupot ang preno ug nahug sa bangin ang sakyanan.

* * *

Mihangyo usab si Lola Martina nga iapil usab ang mga motorsiklo sa mandatory checkup kay hapit sad kuno siya namatay dihang nadasmagan siya og motorsiklo nga nawad-an sab og preno.

* * *

Nanghinaut si lola Martina nga hatagan sa Pangulo og pagtagad ang iyang suwat/hangyo tungod kay daghan nang nangakalas ang kinabuhi gumikan sa mga sakyanan nga depektuso ang preno.

* * *

“Daghan nang nangamatay tungod sa mga sakyanang may depekto ang preno,” suma pang lola Martina, “ug duna pa gyu’y laing mangamatay kun dili kahatagan og pag-atiman ang mga preno sa mga sakyanan.”

* * *

TRIVIA. Mangumusta kita sa atong mga higalang magbabasa diha sa T. Padilla public market. Daghang salamat sa inyong suporta sa Banat News.