Non Parlo Italiano

Daghan ang nikatawa kanako sa dihang akong gisuwayan og kat-on ang pinulongang Italyano. Mao nga karong mga panahona mora ko og dunay kaugalingong kalibutan, moduol sa mga tanom ingon man sa akong mga iro nga sila si Aldong, Rikoy, Yoma, Roque, Milay ug Gaga aron sa Italyanong pinulongan sila praktisan. Ang ako ra gyung madungog gikan kanila, mao ra gyud ang ilang aw! Aw! Aw! Gibuhat ko kini dili tungod kay nangandoy ko og Italya apan gihimo ko kini agi’g pawala sa kalaay ug kamingaw.

Dugang pa, usa kini ka paagi aron mas mawala ang posibilidad nga ikaw mamahimong malimtanon. Sa laktod usa kini ka diversion cum intention. Dako og wanang ang kalibutan. Daghan pa kaayo ang angayan natong tugkaron ug sination.

Daghang mga maayong mga butang ug mga hagit nga angayan natong atubangon. Dili maayo nga magpabilin lang ta sa usa ka panlantaw o usa ka bayhon sa dagan sa kinabuhi.

Mamahimong kabahin sa imong tawhanong pagtubo ang imong ambisyon. Dili man tuod nimo makab-ot ang imong gitinguha karong adlawa, o diha gyud mismo apan sa laing bahin, atong hinumdoman nga kini dili imposible kun imo lang gyud pilion.

Kini ang gitawag nato og long term planning.. puo alutarmi? (Mahimo ba imo kong tabangan?) Si Singnor (O Mister). Ci Vidiamo Domani! See you tomorrow (In your dreams)...