Walay danguyngoyay

Nalubong na si Dolphy ang Comedy King sa nasud. Ang tanang miyembro sa pamilya ni Dolphy -- apil ang 18 ka anak sa unom ka babaye -- present gayud didto sa Heritage Park sa Taguig City.

* * *

Dunay usa ka butang nga naobserbahan ang mga fans ni Dolphy. Walay mga midanguyngoy lahi kay sa naandan tang nasaksihan atol sa lubong sa uban tang mga kaila diin usahay tabangon ang mga biniyaan nga sakop sa banay sa namatay.

* * *

Gani dihang nahingpit na ang paglubong kang Dolphy ang mga sakop sa iyang pamilya nanganta ug nangatawa. Kay mao kuno kini ang gusto sa Comedy King nga himoon sa iyang pamilya.

* * *

Mas daghan pa hinoon ang mga nanghilak nga fans ni Dolphy didto sa gawas sa Heritage Park. Dihay usa ka edaran nang babaye nga nakuyapan ug laing usa ka babaye nga gikarga sa ambulansiya samtang kini nagdanguyngoy sa hilak.

Si Erap nga suod nga higala ni Dolphy wala igkita atol sa lubong sa Comedy King. Tungod tingali kay diha man si Manila Mayor Lim isip usa sa mga pall bearer.

* * *

Sa ato nang nahibaw-an si Erap ug Mayor Lim gipaabot nga magkaatbang unya sa piniliay alang sa pagka alkalde sa Manila.

* * *

TRIVIA. Mangumusta kita sa atong mga higala diha sa Consolacion, Liloan ug Compostela. Salamat sa inyong nagpadayong suporta sa Banat News.