Hell-met

Mana: Bitoy use the word helmet in a sentence?

Bitoy: My father wore helmet while going to church.

Mana: Oy naghelmet ra Bitoy wala magmotor?

Bitoy: (singka) Klaroha na Mam! Unsa may ipagamit nimo sa sentence ang helmet o ang motor(Toink!/Aguy!)

Hehehehehehehehehehehehehe!

Espidno alang sa mga nahasol ang pagsegingseging sa mga nanag-iya og motorsiklo nga ipahiling ang ilang mga helmet kun aprobado ba sa Departamento sa Patigayon ug Industriya.

Inay alang sa kaluwas sa mga hingtungdan ang helmet law gihulagway na hinoon nga laing bulok sa pagpanapi sa gobiyerno.

Kinsa may dili sab sapoton, gawas nga na segingseging ang publiko dunay mga helmet nga wala ka aprobahi kay wala sa listahan sa mga aprobadong klase.

(Dihay babaye nga hubo gipaangkas sa motor aron ihatod sa estasyon sa polis naagi og checkpoint)

Polis: Hunong!!!

Menggoy: Sir ako ning ihatod sa estasyon.

Polis: Lisensiya sa wala magsul-ob og helmet.

Menggoy: Sir gisiguro lang naku og tabon ang helmet sa iyang atubangan.

Polis: Sakto na.

Menggoy: Unya unsa may among kalapasan?

Polis: Walay helmet ang iyang dughan(Toink!/Ayay!)

Hehehehehehehehehehehehehe!

Ang labaw’ng baligho ining balaod sa helmet pakyas ang kagamhanan pagpatuman sa lagda ngadto sa mga habal-habal nga labaw pang peligro kay sa mga regular nga nanag-iya og motor.  

Gani dunay mga lokal nga kagamhanan karon nga wala makakita sa panginahanglan nga istriktohon ang pagpatuman.

Makigpustaanay ko ug dili anay hala butakal ang ipusta (Toink!). Kun hingpit nang mahiling sa DTI ang tanang helmet walay mahimong kausaban.

(Dihay lalaki nakigdate sa iyang uyab)

Senyang: Darling oy nganong naghelmet man ka nga nia naman ta sulod sinehan.

Bitoy: Proteksiyon ni Darling.

Senyang: Sa disgrasya?

Bitoy: Sa akong asawa(Toink!/Aguy)

Hehehehehehehehehehehehehe!

Apan salamat na lang kay nakahunahuna ang DTI nga mubo ra ang lugway alang sa inspeksiyon. Miuyon sab ang LTO busa gilugwayan hangtod sa pagtapos ning tuiga ang pagpatuman sa dakop.

Dili malalis nga ang helmet proteksiyon sa mga nagsakay og motor panahon sa aksidente. Apan dili garantiya ang kaluwas labaw na ang marka sa helmet.

(emailad:[email protected])