Komon sa tawo

Samtang tinuod imposebli ang pagkab-ot og kahiusahan sa panghunahuna sa usa ka sitwasyon nakamatikod ba mo nga dunay kalibotanong momento nga ikaw, ako ug siya makasinati og managsama nga kabutang .

Kabutang nga wala tuyoa apan dili kalikayan, kataw-anan nga kamatuoran ug makapahibulong nga kasinatian. Kasinatian nga wala magpili og unsa nga kaliwat lokal ka man o langyaw, adunahan ka man o kabus, ambongan ka man o maot.

Usa ka malukpanon nga momento sa usa’g-usa malampuson ka man o pakyas sa imong kinabuhi. Butang nga komon natong tanan.

Aron dili ko maglibog mismo sa buot nakung ipasabot nia.

. Nakasulay ka na ba nga nahibawo ka nga adlaw rong Miyerkules apan ang imong gihunahuna Huwebes?(Toink!)   

· Nagsakay ka og bus nga dunay laing tapad nga bus dihang nidagan dili nimo matumbok asay nidagan?(Toink!)

· Nitan-aw ka sa imong relo apan wala gihapon ka masayod unsang orasa(Toink!)?

· Niadto ka og usa ka lugar unya nalimot ka nganong tua ka didto(Toink!)?      

· Ninaog o nisaka ka og hagdanan nagtuo kang duna pay katapusang ang-ang pagtunob wala na diay(Toink!)

· Nanukad ka pag-alsa og bug-at unya gaan diay kaayo? (Toink!)

· Mag-abli kag kandado unya wala diay kay yawe?(Toink!)

· Nangita ka sa imong ballpen naa ra diay sa imong dunggan?(Toink!)

· Nagsakay ka og PUJ unya nagduda ka nakaplete na ba ka o wala pa(Toink!/Aguy!)

Mga kabutang nga dili lang ikaw maoy nakasulay nga sa ato pa komon nga mahitabo sa usa’g-usa.

Lisod man tinuod pagkab-ot ang kahiusahan sa kinatibuk-an sa usa ka isyu o sitwasyon nagmatuod ni nga dunay mga butang o panghitabo sa kinabuhi nga nagkahiusa ang atong mga kasinatian. Butang nga nagpalig-on nga posebling usa lang ang atong gigikanan. Lain-lain man ang kaliwat usa lang ang tinubdan.

(Pero niay maestra gibirahan ang tinun-an)

Senyang: Nasayud ba mo klas kun unsay gigikanan sa tawo?

Bitoy: Mam! Ingon sa akong tatay gikan daw sa Unggoy.

Senyang: Wala ta maghisgot Bitoy sa inyong kaliwat(Toink!/Aguy!) Hehehehehehehehehehehehehe!

Ug nganong dunay mga ingon ini nga panghitabo dili naman importante og ngano, apan kamatuoran ni nga dili diay sa tanang butang dipirinsiya gyud ang may kahibawo ug wala.

Gawas sa tawag sa kinaiyahan sa lawas sa tawo duna pa diay mga sirkumstansiya nga patas ang kasinatian ug dili moila sa unsay imong kahimtang.

Og kun mangutana ka unsay akong punto. Wala lang!(Toink!/Aguy!) Hehehehehehehe

(Kinsay nag-ingon nga makapugong gyud sa kasuko ang pari panahon sa misa)

Padri Bitoy: Dawaton mo lalaki kining babaye nga imong mahimong asawa?

Buloy: Tural padre! Alangan og akong dawaton isip bana (Toink!)

Padri Bitoy: Ikaw babaye dawaton mo ba kining lalaki nga mahimo nimong bana?

Senyang: Alangan padre og asawa nga ako may babaye (Toink!)

Padri Bitoy: Na hala I now prounced you as husband and wife. Ibuwang na inyong mga ulo (Toink!/Ayay!)

Hehehehehehehehehehehehehehe

(emailad:[email protected])