Ang chewing gum

Kadaghanan nakaila na niini, bisan sa mga bata kinaham kaayo nila kini ug mao say paborito sa mga ginikanan, nga barato pa ug malingaw pa ang mga bata, aron pagpakgang sa pagpunay pangayo og kaunon, kay magsige na man la’g usap-usap sa chewing gum nga mora sad og nagsige’g kaon. Dili ba?

Dihang mitakas na ang mga amerikano dinhi sa atoa, ang mga sundalo daghan kaayo’g kargada o bawon. Usa niini mao ang chocolate, pagpalangan sa gutom, sigarilyo, pagpa-alerto ug chewing gum: pagpawagtang sa kalaay.

Ang maong mga produkto, nagbaha na karon sa kamerkadohan. Apan ang uban, wala pa tingali masayod, kun unsa kabililhon ang mahatag nianing chewing gum nga benepisyo sa atong panglawas. Sa pagkakaron, may duha ka klase ang chewing gum. Dunay inanay mahilis ug ang usa dili gyud mahilis.

Ang uban niani aduna nay sambog nga medicinal value o natural herbs, aron pagpawagtang sa dautang bakteria o bahong ginhawa, mopahimsog usab sa ngipon, lagos, alingag- ngag ug dila.

Busa matngonan ang pag-uso sa chewing gum nga mao lamay gihimo nga traksyon ang bisyo sa katam-is niini.

Sa mga pagtuon sa sekolohista ug sekatresiyesta, ang kanunay pag-usap sa chewing gum, makatabang usab ni sa pagpakgang sa negatibong kalihokan sa utok, nga maoy nakapa-aburido o kalibog gumikan sa kalaay. Nga kun kini mataligam-an nga pasagdan lang, momugna kini’g kadaut nga ginganlan og mental stress ug uban pang komplikasyon, nga moguba sa paminsar.