Pagtuo ug lihok
HULYO 1, 2012: Ikanapulo’g tulo nga Domingo sulod sa tuig
Mga Pagbasa: Kin.1;13;2;23-24/Sal.30/2 Cor. 8;7,9,13-15/ Mk.5;21-43
Human sa akong klase gidapit ako sa mga madre sa ilang kumbento aron mag snacks uban kanila.
Nahimong kabahin sa among diskusyon mao ang kahimtang sa usa ka batan-on nga nalisoan sa pangisip. Kun unsa ang mahimo sa simbahan alang niini. Ingon ang usa nga mahinungdanon kaayo ang networking samtang ang usa niingon nga mag-ampo.
Alang nako walay sayop ang ilang sugyot. Apan sa laing bahin, kun maghisgot kita og pagtuo usa motabang kanimo. Apan sa laing bahin, ang maong pagtuo maoy magdapit kanimo sa paghimo og konkretong lakang alang sa imong panginahanglan. Sama sa gihimo sa maong babaye nga gitalinug-an. Nituo siya nga ang Ginoo makaayo kaniya gikan sa maong kapaitan apan sa laing bahin, siya bisan pa man sa iyang kahimtang naningkamot nga makahikap siya sa sidsid sa bisti sa Ginoo. Gumikan sa maong lihok, siya namaayo.Ingon usab unta ang atong himoon. Ang atong pagtuo ang angayan lamang nga pagaubanon nato og mga buhat....
- Latest
- Trending
