Madagayaong kinabuhi

‘Pahiyom’

Tagsatagsa kanato kinahanglan motubo sa pagpakabana ug pagsalig sa atong kaugalingon diin komportable kita sa paghimo niini.

Usahay ang kinabuhi nagtudlo sa tawo nga ang tanan sayon tungod sa teknolohiya diin ang tanan gihatag na sama pananglitan sa mga “computers” ug ubang galamiton nga nakapasayon sa atong kinabuhi. Ang nahimong epekto niini nakapahimo na hinuong lisod tungod kay ang atong katakos wala naman nabaid.

Pero ang kalipay ug kamaya ato dayong makab-ot. Mga gasa kini nga masulti ug dili masulti. Kini dali ra unta nga makab-ot ug mahatag nianang pagbatia.

Ang pahiyom kung atong buhaton sa igong panahon mamahimong talidhay nga makapadasig sa usa ka kinabuhi labi na gayod sa mga nagmasulob-on.

Pinaagi sa pahiyom ikaw, ako, sila, adunay pag-inambitay sa pagpagaan sa mga palas-anon sa kinabuhi.

“Angay sa paraiso ang si bisan kinsa nga makapakatawa sa ilang kauban.”