Bitoy: Sir unsa diay ipasabot anang corporal punishment?
Buloy: Disiplina na nga pisikal apan dili samdan. Sama anang lagpak, dukol, luhod ug uban pa.
Bitoy: Ahhhh! sa ato pa dako tog ranggo nga punishment sa akong Tatay dili to corporal.
Buloy: Ha! ngano man?
Bitoy: Nasakpan tong nanglili, gipusil man! siguro mao toy kastigo heneral (Toink!/Aguy!) Hehehehehehehehehehehehe!
Ang terminong kastigo korporal o corporal punishment wala gibase sa ranggo sa usa ka sakop sa militar o usa ka matang sa disiplina militar. Ang korporal nagikan sa pulong linatin nga ang ipasabot lawas.
(Dihay managtiayon sa unang gabii human sa ilang kaminyoon)
Bitoy: Love pagpili unsay imong gustong kastigo sa lawas sa unang gabii sa atong gugma, corporal punishment o general punishment?
Senyang: Unsa man ang corporal punishment love?
Bitoy: Suwabe.
Senyangb: Ang general punishment?
Bitoy: Wild.
Senyang: All of the above lang love para suwabe na wild pa.
Bitoy: Aguy! (Toink!) Hehehehehehehe hehehehehe!
Ang kastigo korporal nasunod sa atong mga katigulangan sa una pang panahon. Gani dunay mga dapit nga gigamit gyud ang maong matang sa silot batok sa mga tawo nga nakahimo og dagkong kalapasan.
Kun karon giisip ang kastigo korporal nga matang sa disiplina nga dili padugo. Niadto matoan gyud og dugo kun dili man molabhag lang ang agi sa latos nga naagian mismo ni Kristo sa wala pa ilansang sa krus.
Sakit man o makamugna og pagmahay ang kastigo korporal daghang mga malamposong tawo ug inila karon sa katilingban ang mihulagway nga nahimo ning dugokan sa ilang naangkong kalamposan. Kun dili pa ingon ka istrikto ang ilang mga ginikanan hayan dili susama ang kakugi sa paningkamot nga ilang nabatonan.
Apan samtang daghang madasigong bunga ang kastigo korporal daghan sab ang nagtuong sayop ang maong matang sa disiplina. Kun tinuod nakamugna ni og mga malamposong indibidwal daghan sab ang naparot.
Base sa pagtuon mao ni ang mga posebling epekto sa bata.
* Makapaus-os sa garbo sa kaugalingon
* Makatudlo nila nga mamahimong biktima
* Makabalda sa proseso sa pagkat-on
* Makadiskurahi sa kamahinungdanon sa pagpatin-aw
* Makatudlo sa bata og kasub-anan, pag-inusara ug sinalikway
* Makatudlo sa negatibo nga panglantaw
* Makahimo’g babag sa komunikasyon tali sa ginikanan
* Makadangilag og kayugot ug pagkagiw
* Makatudlo nga mamahimong bayolente
Tipik lang ni sa mga giingong dili maayong epekto sa disiplina kastigo korporal. Sa mga dili uyon sa maong matang sa disiplina ang pag-edukar, pagtudlo ug pagpasabot uban sa lawom nga pasensiya ang labing epektibo.
Ang Siyudad sa Sugbo nagpasar og ordinansa nga dili na magamit ang kastigo korporal sa tulonghaan ug mismo sa panimalay. Kun supak ka dad-a una sa Siyudad sa Talisay o Siyudad sa Mandaue ang imong anak sa dili pa nimo disiplinahon(Toink!/Aguy!) Hehehehehehehe!.
(emailad:jomar_bellita@yahoo.com)