Sugbuanong transvestite

Ang Pattaya usa ka resort city sa Thailand diin ang main attraction mao ang mga transvestite kon mga lalaki nga nag biste og babaye. Daghan kaayo ni sila.

* * *

Matag gabii dunay musical shows sa Pattaya diin ang mga transvestite mao ang nagkupot sa starring roles.

* * *

Usa sa mga inilang transvestite mao si Georgina (gikan sa iyang tinuod nga ngalan George) usa ka lumad nga Sugbuanon kinsa dugay nang nanimuyo sa Thailand.

* * *

Si Georgina kon Gina kanunay maoy lead star sa mga musicals nga ipasundayag matag gabii alang sa mga turista gikan sa nagkadaiyang dapit sa kalibutan.

* * *

Sama sa ubang transvestite, si Gina kanunay naninguha nga dili mabulgar kon mabutyag ang iyang tinuod nga gender kay mao kanay ilang gikasabutan sa iyang sponsor.

* * *

Daghang turista ang magpahulagway uban ni Gina tungod sa iyang “kaguwapa.” Ang mga transvestite sa Pattaya magpabayad sa matag posing sa turista uban kanila. Usa kini sa source of income nila.

* * *

Desente ang mga transvestite didto sa Pattaya. Balibaran nila ang pag-night out uban sa mga dayo nga wala masayud nga sila diay mga lalaki.

* * *

TRIVIA. Greetings sa atong mga higala diha sa Daanbantayan ug sa Bantayan gayud mismo. Salamat sa inyong nagpadayong suporta sa Banat News.