MR. BARANGAY

BRGY MANTUYONG, MANDAUE CITY

“Hangyo namo sa among kapitan sa barangay nga hatagan ni’g pagtagad ang problema namo sa mga bata ug mga hamtong nga mohingos og vulca nga susama og rugby pero ang nakaproblema kay saba kaayo ning mga tawhana matag gabii.”

BRGY JACLUPAN, TALISAY CITY

“Kusog kaayo ang masiao diri sa among lugar labi na sa sitio bagubo way puas ang mga coordinator pero ang mga opisyal sa barangay diri mura mag way nakita nga klaro man kaayo ni nga illegal nga sugal nga nakasulod diri.”

BRGY MARIBAGO, LAPULAPU CITY

“Naa gyud mi problema diri sir Jun bahin aning septic tank nga dugay na kaayo napuno unya modagayday na ang sulod ani nga maoy nakapurhisyo namo pero wa gyod hatagi og pagtagad, naa ra ni sa sitio datag luyo sa barangay hall.”

BRGY SOUTH POBLACION, SAN FERNANDO, CEBU

“Paita na sad among kahimtang diri Sir uy naana na sad planta sa semento nga pwerteng aboga luoy kaayo ang mga balay duol sa planta kay adto padulong ang abog, kun dili moaksyon ang gobyerno kami ang molihok batok ani.”

BRGY LOOC, LAPULAPU CITY

“Diri sa Salvacion ang manguha sa basura kay pilion ra man ang kuhaon nila naa diay pinalabi ang garbage collector kun kinsa ray ilang ganahan kuhaon unya ang among mga basura gipasagdan ra man gyod tawun.”

BRGY KALUNASAN, CEBU CITY

“Diri sa Oppra unit 5 sa forestry naay nanimuyo diha nga among nakit-an nga namutol og kahoy, dili ba gidili man na sa balaud? Ang among mga opisyal diri wala may aksyon bahin aning mga namutol og kahoy.”

BRGY MATUTINAO, BADIAN, CEBU

“Hinaut unta nga matagad sa mga opisyal sa barangay ang problema namo sa illegal nga drugas kay nagkadaghan na unya kasagaran sa mga nabiktima ani mga batan-on pa luoy kaayo mga ginikanan.”

BRGY CADARUHAN, BORBON, CEBU

“Mura’g natulog ra man among mga opisyal sa lungsod ug sa hepe sa kapolisan kay wa gyud atimana problema sa shabu diri, daghan na kaayo ang mga pusher hangtod sa poblacion nga duol ra unta sa police station.”

BRGY TABUNOK, TALISAY CITY

“Reklamo namo diri sa kilid sa Gaisano Tabunok kay gamay nalang kaayo ang agianan tungod aning nagparking nga mga tricycle ug trisikad, maglisod nalang mi’g agi kay magbantay man basin og maligsan.”

BRGY TAYTAY, BADIAN, CEBU

“Naghitak man ang sugal diri sa among lugar labi na ang tong-its usahay kadlawun na mahuman unya kun mangahubog saba kaayo kay magsyagitsyagit man, wa gyod kabadlong mga opisyales namo sa barangay.”

 Happy birthday AMIR ANDRAE REMARCA, gikan ni MAMA ANN ug PAPA ARNEL.

* * *

 Alang sa inyong mga reklamo text lang sa 09071678643.