Kulog at kidlat

Mayo A-dose na – umagang umaga

mainit na summer ay medyo nawala;

Kumulog, kumidlat umulang bahagya

at saka may hangin – dampa ko’y umuga!

Kasunod ng kidlat at saka ng kulog

lumakas ang hangin na mula sa bundok;

Malalaking bahay kubo kong marupok

sa ulan at hangin waring niyuyugyog!

Kaya ramdam namin ang bagyong dumating

yao’y thunder storm kung ating tawagin;

Magkasamang ulan – malakas na hangin

isang oras lamang ito’y umalis din!

Subali’t kapagka ang kulog at kidlat

ang ulan at hangin ay naging magdamag;

Ito ay bagyo nang ating tinatawag!

matibay mang pader posibleng matibag!

Kaya nga sa tao ang kulog at kidlat

ay mga hiwagang sa langit nagbuhat;

Kung silang dalawa ay hindi lalabas

baka maglaho na sa atin ang lahat!

Malakas ang kidlat daig ang kuyente

higit na malakas ang kanyang boltahe;

Mga ilaw natin ay patay at sindi –

sa bayan at nayon ito’y nangyayari!

Ang kulog at kidlat kailangan natin

sila ay babalang sa langit nanggaling;

Kung sila ay wala sa daigdig natin

mabibigla tayo sa bagyong darating!

Kaya nga talagang makapangyarihan

ating Amang Diyos nasa kalangitan;

Dahil tanging Siya ang nakaaalam

kung kailan babagyo’t sisikat ang araw!

Sungit ng panahon kontrolado Niya

kaya sa Philippines Siya’y mahalaga;

Scaraborough Shoal kung nanaisin N’ya

hindi maangkin ng malaking bansa!