BRGY ADLAON, CEBU CITY

“Giangkon sa kapitan ug mga opisyales sa maong barangay nga duna gyu’y mga karsada nga wala pa gyud mapaayo pero iyang gipasabot nga padayon karon ang ilang pagpatrabaho sa ilang mga karsada alang sa kaharuhay sa mga nanimuyo sa lugar.”

BRGY KAMPUTHAW, CEBU CITY

“Naunsa naman ning among gym nga gihimo namang junk shop kay inig sulod pa gani nimo makita dayon ang mga truck nga wa na gamita nga gipamutang unya ang atop sa stage napuno sab og junk materials, lahi ra gyud sa ubang mga gym.” 

BRGY SAN ROQUE, TALISAY CITY

“Sa sitio Laray kay kusog kaayo ang videoke wa gyud kabadlong ang among mga opisyal nga unta saba kaayo matag gabii usahay kaadlawon na mahunong, luoy kaayo ming mga silingan kay dili makatulog sa kasaba.” 

BRGY PILIPOG, CORDOVA, CEBU

“Naa mi reklamo diri sa among lugar kay nagtupad ra gyud ang mga financier og masiao pero mga polis diri wala man gyud makahimo’g aksyon ani nga unta klarong illegal, unsa kahay rason sa mga polis nganong wa dakpa?” 

BRGY BANILAD, CEBU CITY

“Ang problema namo diri sa eskina Paradise sir Jun kay daghan kaayo mag-estambay unya ang uban manuyopay na sila, kun way kuwarta manglungkab og mga balay usa ko sa mga nabiktima ana nila Sir.” 

BRGY QUIOT, CEBU CITY

“Ang among barangay grabe na gyud kahugaw manimaho na daplin sa karsada dugay na nga wa gyud kuhaa ang among mga basura, wala gyud mohimo’g aksyon ang among mga opsiyales sa barangay bahin aning problemaha.” 

BRGY GAWI, OSLOB, CEBU

“Naunsa naman ning among barangay uy nga pwerte mang ngitngita wala gyu’y mga suga sa daplin sa karsada, ang among mga opisyales sa barangay wa gyu’y pakabana sa among problema.” 

BRGY KALUBIHAN, CEBU CITY

“Sa kadaghang mga snatcher diri sa may Pelaez Street pero wala gyu’y gihimong aksyon ang mga opisyal sa barangay labi na sa mga tanod aron unta wala nay mga mabiktima nga mga tawo.” 

BRGY CATARMAN, CORDOVA, CEBU

“Hangyo lang namo sa among mga opisyales sa barangay nga hatagan og aksyon ning nagkadaghan nga illegal nga drugas kay daghan na kaayo ang mga batan-on nga manuyopay.”

BRGY ANOPOG, PINAMUNGAJAN, CEBU

“Palihog mig tikdol aning among mga opisyales sa barangay kay wala gyud atimana ang gubaon namong karsada dugay na kaayo ning problema pero wala gyu’y nakaako pag-aksyon niini.”

Happy birthday ni BJ VELIGANIO gikan ni MAJI, PAPA UG MAMA.

* * *

Alang sa inyong mga reklamo text lang sa 09071678643