Samtang adunay pundok nga nag-awhag kang Sec. Jose Rene Almendras pagluwat sa katungdanan, sa laing bahin, ang mga dagkung stakeholders sa energy industry, buot nga magpabilin siya sa katungdanan. Ngano man?
Sa iyang column sa Philippine Star, si Sara Soliven de Guzman, nagkanayon: “This guy is a hardworking man, He is not a politician. He is a worker. He is qualified to do the job. He has the character, the qualifications and experiences we need to get things done. He is a professional indeed. If he quits, we will be doomed.”
Kinsa si Rene Almendras, gawas sa pagka-igsoon ni Vice Governor Agnes Magpale, pagka-Sugbuanon, ug pagka-classmate ni Noynoy? Ania:
Misugod siya sa iyang corporate career sa Citytrust Banking Corporation. Dayon sa Aboitiz Group & Aboitiz Equity Ventures, na-Presidente sa City Savings Bank. Pagtapon niya sa Ayala Land Inc., gitudlo nga CEO sa Cebu Holdings Inc., sa Cebu Property Ventures & Development Corporation, Business Group Head for VISMIN ug sa Operations Transformation Group.
Sa tuig 2007, gitudlo nga Business Group Head sa Manila Water Company, diin iyang napaumento ang serbisyo niini ug nakab-ot ang record breaking customer satisfaction rating. Two years later, na-presidente sa Manila Water.
Sa iyang pagka-presidente, ang Manila Water nakadawat og mga award, as one of the Best Managed Companies sa Asia; Best in Corporate Governance, one of the Greenest Companies in the Philippines, ug karong bag-o, as the Most Efficient Water Company sa tibuok kalibutan.
Karon, ang serbisyo sa Manila Water mi-extend ngadto sa Vietnam, India, Australia, ug sa Laguna ug Boracay.
* * *
Si Senador Manuel Lapid, karong bag-o, mipasaka og balaudnon nga mag-regulate paggamit sa mga commemorative plates, nga matud niya, giabusahan sa mga migamit niini. Ang mga influential nga mga tag-iya sa mga sakyanan, tungod kay dili na sila makagamit sa ilang mga wang-wang o siren, nakakita’g paagi nga maghari gihapon sila sa kadalanan, pinaagi sa mga commemorative plates.
Gawas sa mga commemorative plates, aduna usay mga plaka nga nagdala sa mga initial sa PNP-CIDG, NBI, AFP, DOJ, PNPA-PMA, LAWYER, PROSECUTOR. “This motivation is evident by the fact that there are some enterprising crooks who sell commemorative plates with a come-on that the same shall extend the bearer exemption to the number coding scheme of the MMDA,” nagkanayon si Lapid.
Ang paggamit kono niining maong mga plaka, kinahanglan dili makatabon sa regular nga mga license plates. Apan, sa atong makita, kasagaran tabunan gyud ang mga regular nga plaka. Ug ngano man tuod nga duna may plaka nga “LAWYER?” Unsa may nakapa-special sa mga lawyers? Nanong wala may plaka ang mga Doctor? Engineer? Judge? Surveyor? Plumber? Taxpayer? Farmer? Nganong”Lawyer” ug “Prosecutor” ra man?