Dollar!

D-akong

O-kayonon

L-isod

L-antugion

A-tras

R-enato (Toink!/Aguy!)

Hehehehehehehehehehehehehehe!

Ambot asa kutob ang kalig-on sa panuhod ni Chief Justice Renato Corona sa daw bomba atomika nga gipaulbo ni Ombudsman Conchita Carpio-Morales.

Kun alang sa mga eksperto mahimo pang mainat ang epekto pagsusi unsa ka lehitimo ang gipagawas ni Morales lakip na ang mga gibasehan nga dokumento gikan sa Anti-Money Laundering Council kon AMLC. Sa mga yanong lungsoranon lisod nang mahabolan ang maong rebelasyon hangtod nga dili mapasabot mismo sa labaw’ng pango sa hukmanan ang mala-mahika nga minilyong dolyar ubos sa iyang panudlanan.

Kun si Bitoy pay pasultihon!

Bitoy: Chief Justice angayan na siguro kang mokanta og Bayang Magiliw!

Handa! Resign! (Toink!/Aguy!)

Dili ba to handa awit Toy? Hehehehehehehehehehe!

Dili ingon unta ingon ka kabug-at ug kasipa ang gipagawas ni Morales sa impeachment court kun sa sayo pa lang gibuksan na ni Chief Justice Corona ug sa iyang mga alipores ang iyang mga dollar accounts.

Ang nakapait kay naabtan ang ilang pagpaigot nga inay ang tuno mao lang ang pagpakita sa impeachment court isip walay gitagoan, karon apil na ang second voice pagdepensa sa nabulgar nga transaksiyon sa langyaw’ng panudlanan.

Kinsa gung babaa ang dili monganga sa 82 ka dollar bank accounts gikan sa tuig 2003 hangtod sa tuig 2011 sa lima lang ka bangko. Asa mang sweldoha o negosyoha makuha ni Corona ang dili mominos 10 milyones nga dollar accounts wala pay labot sa kinatibuk-an sa iyang mga peso accounts?

Tinuod susihonon pa ang kalehitimo sa maong impormasyon. Apan sa kalangay sa depensa pag-abli ug ang tataw nga paningkamot nga dili matuki sa husay ang dollar accounts sayon lang kaha ni Corona ang pagpasabot sa makapakugang niyang katigayonan?

Samtang klarong labad pa sa labad ang ulo ni Corona ug sa iyang grupo sa depensa unsaon pagbali sa testimoniya ni COA Commissioner Heidi Mendoza ug Ombudsman Morales mangatawa lang kaha ta oy! dili ta mag-apil-apil sa ilang kalabad(Toink!).

Buloy: Unsay update ron Toy sa market sa Pilipinas?

Bitoy: Naapsan na ang rating sa EURO Generals.

Buloy: Unsa man diay bag-o ron?

Bitoy: Ang latest kay DOLLAR Chief Justice(Toink!/Aguy)

Hehehehehehehehehehehehehehe!

(Diha kunoy nangutanang reporter kang Sherap)

Bitoy: Pareng Sherap anong masasabi mo sa multi milyon dollar accounts ni Chief Justice Corona.

Sherap: Tatakbo ako pagka-Chief Justice(Toink!/Aguy!)

Hehehehehehehehehehehehehe!

(Managhigala nagkuha exam pag-apply sa gobiyerno)

Siano: Bay musta ok ra ang exam?

Menggoy: Usa ra gyud akong siguro nga tubag didto bay ang meaning ra sa DOJ.

Siano: Aw o sayon ra man na DOJ Department of Justice.

Menggoy: Ha! Department of Justice diay?

Siano: Unsa man diay imong gitubag.

Menggoy: Dollar of Justice(Toink!/Asus!)

Hehehehehehehehehehehehehehehehe!

emailad:mailto:[email protected]