Way prolema sa mga tawo nga anaa sa kabukiran nga naanad na sa kamingaw sa ilang palibot. Apan kun mobalhin sila sa siyudad, mahimong inanay sila mabungol tungod sa kabanha o kaalingugngog sa mga tawo, sakyanan ug uban pang kalihokan nga maghatag kalangas nga momugna’g kadaot sa atong pandungog. Hain man ini, mamingaw o kabanha basta makalitan sa pagbag-o sa imong pagpaminaw makadaut gyud. Kalagmitan permi bation ang kalipong.
Gawas makapabungol ang kabanha kanunay sa siyudad kun kalit ka anaa sa kamingaw o gimingaw ka, makapabungol sab. Mosiyok ang dalunggan, labi nag panohoton o maglabad ang ulo o may sip-on, maapektahan ang pandungog kay mobasa o may atuli, inanay madaut ang nipis ug talandogon nga eardrum, ang maoy mabun-og pagdawat sa kasikas.
Ang hilabihang kamingaw o kasaba aduna sab kini komplikasyon ngadto sa hayblad o sakit sa kasingkasing ug uban pang sistima sa atong panglawas.
Kadtong kanunay anaa permi sa tibuok adlaw o grabeng kasaba, kinahanglan magsungsong o magtaud og soundproof nga gadget aron pagkontrol sa igo lang nga panungog. Ang kadtong anaa usab sa kamingaw, magpatukar og musika nga mahawot nga igo lang madungog nga makapahayahay sa paminsar o sa dughan nga makapadasig nato. Timan-i nga ang dunggang may hustong panungog makapa-alisto o makapaabtik kanato sa tanang kalihokan.
Likayeng di masudla’g tubig, kun masudlan paugha pagkulito’g may gapas.