Adlaw ni Nanay

(Managhigala nagkukabildo)

Bitoy: Ako bay ba hilasan gyud ko og naay moingon nako happy father’s day.

Buloy: Natural kay wala pa man ka maminyo.

Bitoy: Dili na maoy hinungdan.

Buloy: Ha! Unsa man diay hinungdan?

Bitoy:  Gusto man gud ko ingnon Happy Mother’s day! (Toink!/Igat!) Hehehehehehehehehehe!

Kun ang diksyonaryo maoy pasultihon ang pulong inahan nagpasabot sa usa ka babaye nga nagsabak o nagpakatawo sa gisabak. Apan kun ang pagkainahan maoy ayagon dili maigo sa usa ka pahina sa kapulongnan ang iyang katungdanan.

Inahan – Higala, Hinigugma, Kaduwa, Kaaway, Magtutudlo,Dangpanan, Magtatambag, Sulogoon, Yaya, Labandera, Martir, Mapailubon, Sombonganan, Kasab-anan, Singkahanan, Tsismosa, Tigpanalipod, Manlalaban, Tigpanahom, Manedyer Etsetera at yaho dat kom dat pi its!(Toink!/Aguy!).

Sa laktod ang pulong inahan simbolo sa pulong pag-amuma. Mao siguro nga mas hait ang pulong sa usa ka inahan ikompara sa usa ka amahan tungod sa kalapad ug kadako sa katungdanan ug kaakohan pagsapupo gikan pa sa sabakan, pagpakatawo ug pagpadako sa iyang gipanamkon.

Busa kun uban pa kaninyo ang inyong inahan angay ug dalaygon lang ang ipatagamtam kaniya ang tim-os, tiunay ug walay kataposan nga gasa sa gugma.

(Kun bungolbungol na si Nanay kinahanglan ang pasensiya)

Bitoy: Nay masakitan ba gyud diay ta kun magmahal ng lubos?

Nanay: Dong Bitoy paningkamot lang ang tubag niana busa ayaw kabalaka kun magmahal ang pulbos(Toink!/Aguy!)

Hehehehehehehehehehehehe!

(Sabta si Nanay kun prangka)

Menggoy: Nay magminyo na ko.

Nanay: Menggoy gamay pa ang baboy paabota og maanay na.

Menggoy: Nay wala man tay baboy?

Nanay: Wala pa man sad kay uyab(Toink!/Aguy!)

Hehehehehehehehehehehehe!

(Dihay inahan mibisita sa iyang anak sa boarding house)

Nanay: Dong Buloy uyab na nimo si Senyang nganong nag-ipon man mog boarding house?

Buloy: Dili Nay oy! boardmate naku na, lainlain mig kwarto, eskwela pa baya ko!

(Paglakaw sa inahan mireklamo ang babaye nga nawala ilang silver nga luwag/ang anak nisuwat sa iyang inahan)

Sulat sa anak: Nay wala ko mamasangil apan nawala man gud ang luwag paglakaw nimo imong gidala? Nangutana lang imong anak Bitoy.

Balos sa inahan: Dong Bitoy naa sa higdaanan sa pikas kwarto ang luwag, kung wala pa mo mag-ipon sa usa ka kwarto ni Senyang kay dili man kaha mo uyab nakit-an unta ninyo ang luwag. Imong Nanay nagduda lang!(Toink!/Ayay!)

Hehehehehehehehehehehehe!

Leksiyon sa sugilanon “Ayaw limdi ni si Nanay”.

Happy Mother’s Day sa akong kapikas Hazel, kang Mama Gene ug Mama Babie ug sa tanang mga inahan.

(emailad: [email protected])