EDITORYAL - Juvenile law plus helmet law equals ugtas

Lain na usab nga labad sa ulo sa kapolisan kining Helmet Law tungod kay labi kuno kining makatambok sa tanang matang criminal nga de motor.

Ang Juvenile Law maoy unang nakapalabad sa ulo sa kapolisan kay nakapaburot man kini sa lawas sa mga kriminal nga mga batan-on.

Mao tingali usahay nga ang mga polis nga wa kaayo makasabot    sa mga balaod nga gipatuman sa mga magbabalaod, mosagop nalang sa mga tinonto.

Ang uban mosuyop nalang og shabu pamasin nga mawagtang ang ilang kaugtas bahin ning mga balaod nga gipatuman nga labing makapadaghan sa kriminal.

Apan kun maglabad ang ulo sa kapolisan bahin ning mga balaod nga salikwaot kaayo, mas labaw nga maglabad ang ulo sa publiko tungod kay mao may rumbo sa mga mangtas nga kriminal kinsa murag gisuportahan ning mga balaora

Kining helmet law nga ipatuman sugod karong Hulyo giingong mosakar kaayo sa gikinahanglan sa mga kriminal.

Kini tungod kay sirado kaayo kining mga helmeta nga di gyud maklaro ang dagway sa magsul-ob.

Gani murag nagtuo ang kadaghanan nga bisan kadtong mga maldito nga wa untay plano nga manulis samtang magsakay og motor, makahunahuna nalang sa pagpanulis kun adunay tawo nga magpasaya-saya sa karsada, kay safety man kaayo ang ilang dagway.

Busa makalulooy kaayo ang publiko kay mao may mabiktima ning mga kriminala

Sa nagmugna ning balaora way sakit sa ilang kag kun unsay mahitabo sa mga tawo nga maoy mabiktima sa mga kriminal nga mopahimus ning helmet law.

Sama sa juvenile law nga ang mga magbabalaod nga nagmugna ning balaora, hayahay pa sa polis.

Kay ang mga polis nag-ugtas    nga nakasinati sa nagpungasi nga reklamo sa publiko batok sa mga kabataan nga kawatan, adis-adis, tulisan, manglabni ug uban pang krimen nga nakat-onan nila tungod kay di man sila mapriso kun makabuhat og krimen kay protektado man sila sa balaod. Di ba?