Si Jesus dili bakakon

Sa madugay ug madali hisakpan gyud ang bakakon. Si Jesus sa iyang paghimo og mga milagro ingon man sa iyang pagpanudlo ang nipakita og kamatuoran sa iyang gipanudlo. Nahibalo siya sa kalisdanan, sa kamingaw, ug sa kapaitan sa mga tawo nga nagpalibot kaniya o naminaw sa iyang mga pagtulon-an. Usa kini ka dakong puhonan alang kaniya aron  iyang kontrolahon ang kinabuhi sa kinabag-an alang sa iyang personal nga katuyoan apan ang iyang kinabuhi nahimong konkretong timaan sa iyang pagkamatinud-anon. Ning paagiha nahimo niyang napuy-an ang reyalismo sa iyang kinabuhi ug apostolado.

Maayo kaayo nga imong iladlad ang mga maayong makuha sa bisan unsang produkto nga imong gibaligya. Apan sa laing bahin, ayaw isakripisyo ang kamatuoran nga naglimin niining maong produkto.

Hinumdomi: Hinumdoman ka sa imong kamatinud-anon ug dili sa imong produkto o serbisyo.