Long-term programs alang sa mga senior citizens

Nag-ung-ong karon sa Ubos Balay Balauranan, ang HB 827 kon Long Term Care for Senior Citizens Act, nga maghatag og permanenting benepisyo sa mga senior citizens sa tibuok nasud. Anaa karon sa House committee on population and family relations.

Giingon dinhi nga ang gobyerno, isip amahan sa lungsod, magbaton og active role pagpaluag sa nagping-it nga mga senior citizens, labina na ang mga gibiyaan ug gipasagdan nga katigulangan.

Miingon ang nangamahan sa balaudnon nga: “We must establish an institutionalized long-term care program for the nation’s senior citizens to enable them to have dignified, healthy and second lives.

“We Filipinos are known for the unrequited care we give our elderly. In fact, this customary practice is one attribute that sets us apart from other cultures. However, sad to say, this generosity is oftentimes extended only to members of our own families.” Ang balaudnon naglatid sa mga programa ug mga serbisyo nga maglakip sa social welfare, livelihood ug job generation, social insurance, ug mga social safety nets.

Maoy tinguha nga pinaagi sa mga development programs, ang mga senior citizens magpabiling aktibo sa mga social, economic, ug community undertakings. Dugang niini, sa panglawas, anaa ang mga tulomanon paglikay sa sakit kon disease prevention, ug promotion and wellness of mind, body and spirit.

Anaa usab ang home nursing for the elderly, facilities for respite care, program on counseling, professional guidance, and emotional support and low-cost, community-based activities as well as strengthening of inter-generational relationships, home care and hospice for the frail and dependent elderly, development and provision of geriatric training, ug mandatory PhilHealth coverage for non-contributory senior citizens especially the poor. 

Ang pagpatuman, kun mahimo nang balaud, ang gasto ilakip sa national budget. Sa ato pa, dili na mabawog pangita kun asa mangahoy og kwarta. Kinsa ang mga author ning maong balaudnon? Sila si Pampanga Representative Gloria Arroyo ug Camarines Sur Representative Diosdado “Dato” Arroyo.

Maoy atong panghinaut nga suportahan usab kini sa ubang mga sakop sa Kongreso. Ug daku ang atong pasalamat nga sa mokapin sa 250 ka sakop sa Kongreso, at least, adunay duha nga nagpakabana sa kahimtang sa mokapin sa 8 milyones ka senior citizens sa tibuok nasud.

On the other hand, hinoon, unahon una nato pagpatuman ang mga provision sa RA 9257 nga giamendar sa RA 9994. Kini ra bang atong gobiyerno, kutob lang usahay sa paggama og mga balaud, apan, kulang sa pagpatuman.

Unsa may nahitabo, pananglitan, sa 1% allocation alang sa mga senior citizens ug disabled gikan sa budget sa mga national agencies ug local government units; pagtukod og mga senior citizens centers ug home for the elderly, geriatric wards sa tanang government hospitals; pag-review ug pag-update sa mga pension sa GSIS ug SSS; ug free medical and dental services, diagnostic and laboratory fees in all government facilities ?