Ang katinuod sa Demonic possession

Sukad kaniadto ug gani hangtud karon, daghan sa mga tawo ang mohukom dayon nga kun ang usa ka tawo ang adunay gitawag nato og “Mental Disorder” ang giingong nasudlan dayon sa dautang espiritu (elementals/demonic spirits). Moadto dayon sila sa pari ug magpabendita dayon o dili ba kaha adto dayon sa mga tambalan aron mohimo og paghalad. Ang simbahan dunay rito sa pagpapahawa og mga yawa ug kini gitawag og EXORCISM. Hinuon, dili dayon makahukom ang simbahan nga kini usa ka sa demonic possession, o oppression lamang. Himoon gyud ang usa ka makuti nga pagsusi aron sa ingon dili mahimong mograbe pa ang sitwasyon. Hinuon adunay tulo ka mga areas ang atong tukion ingon nga mga timailhan sa demonic possession. Kini ang naglangkob ning mosunod: Sikolohikal nga mga timailhan, pisikal nga mga timailhan, ug ang mga panghitabo sa palibot mismo. Mahinungdanong tawgon na ang authorized exorcist sa paghimo sa rito sa eksorsismo. Apan mahinungdanon usab nga atong himoong puposon gyud ang tanang medical nga pamaagi sa dili pa kita mohimo sa maong lakang sa Eksorsismo.