Mga problema sa pangihi

Ang pagpangihi usa kini ka bililhon nga kalihokan sa panglawas. Ipagawas niini ang likidong hugaw nga wa na gamita sa atong lawas. Aron normal kini nga mapagawas kinahanglan nga moinom ta kanunay og daghang tubig nga may igo nga magamit alang sa pagpahimsog sa panglawas.

Usahay tungod sa mga alanganin nga sitwasyon o kabisi sa trabaho, kompyansya lang kita nga kanunay atong pugngan ang tubag sa pagpangihi. Hinoon daghan man ang sintomas nga ato unyang mamatikdan kun di gyud ni nato mahatagan sa hustong pag-atiman. Moimplikar kini sa katibuk-an nga kadaut sa tanang sistima sa lawas, nga inanay motumaw ang daghang sakit.

Kun kaihion ka, pangihi gyud. Kun kanunay ka anaa sa apiki nga trabaho o sitwasyon, pagsul-ob og diaper kanang makapundog 1 ka litro, aron dili na mapugngan ang pag-ihi mo. Ug unyag makalugar na, ilisan na pog lain og inom na sad og tubig. Hasol tuod apan di ka na unya magkaproblema sa mga sakit nga may kalabtanan sa pagpangihi. Pakusog gani ang trabaho nimo, kinahanglan moinom ka gyud og daghang tubig.

Ayaw paabota nga uhawon kay delikado nga maitos ang pantog mo sa hilabihan kainit kay nahutdan sa bag-ong tubig nga maoy mopabugnaw niini.      

Kini sad ang hinungdan sa panakit sa pus-on mo. Likaye gyud kanang tubig bugnaw, makapadaku kana sa tiyan ug makapanuhot labi na way klarong oras ang imong kinan-an. Busa atimana gyud nga mamintinar mog ayo ang pangihi .