EDITORYAL - Ang pagpabotar sa mga may apan sa panglawas

Isug kaayo ang mga taga Comelec nga pabotohon gyud ang mga botante nga may apan sa panglawas karong umaabot nga election.

Ang maong awhag wa usab kalikayi sa mga senior citizen kansang linihokan sa panglawas susama ra usab sa mga depektusong mga tawo nga lahi ug luya   kun itandi sa mga maayo og lawas.

Ambot kun nganong karon pa makahunahuna ang taga Comelec sa pag-awhag sa maong matang sa mga botante.

Nga unta sud sa dugay nang panahon, daghan kaayong mga may apan sa panglawas ug mga senior citizen nga namotar sa panahon sa election   apan wa man lay timik ang taga Comelec pagsuta kun giunsa pagbotar sa mga depektuso  og panglawas tipon sa mga maayo og lawas.

May mga botante nga inutil    ug halos di na makalakaw kumo kay giisip nilang sagrado ang pagkasar sa ilang boto sa panahon sa piniliay di makatug kundi makabotar.

Apan nganong way taga Comelec nga mirespeto   ning maong mga matang sa mga botante pinaagi sa paghimo og sistema nga ilain ang ilang sentrong botohanan gikan sa mga botante nga maayo og lawas.

Luyo sa kahayahay sa mga kawani sa Comelec sa mga adlaw nga way election, wa gyuy bisan usa kanila nga nakasugyot nga hatagan unta og kasayon ang mga depektoso og lawas ug ang mga senior citizen sa pagbotar panahon sa election.

Kay kun isagol sila sa maayo og lawas, aw alang sa maong sektor kansang panglawas anaa sa pagka-apyugon mas maayo pang mopauli sa bay ug motikungkong kay sa maugtas sa hilabihang kainit ug kaalimuot nga agi-agian lang sa mga maayo og lawas kinsa kasagaran maoy unang    makabotar tungod kay lagsik ug abtik man manlihok-lihok.

Syaro og wa gyuy bright-bright og dyutay sa maong ahensya nga makahunahuna pagbutang og linain nga sentrong botohanan alang sa mga disabled ug sa senior citizen, mamasin nga kun sila na usab ang mainutil, makabotar sila nga hayahay sama sa mga normal og panglawas nga bisan magligid-ligid ug magkabubalintong, di kaayo mabun-og ug maluya kay maayo man og lawas sa panahon sa election. Di ba?