Doktor sa Panglawas

Ang doktor, kabahin na sa inadlaw nga pagkat-on sa pag-atiman sa kahimsog sa atong panglawas. Kita mismo ang unang kasaligang doktor sa panglawas. Kay nasayud man kita sa atong kaugalingon kalihokan. Unsa may atong gimuo, gipamati, abtik kita sa pagsubay sa mga hinungdan nga maoy nakaingon ini.

Unya, bisitahi ang doktor sa medesina nga masaligan nimo. Kanang may kompyansa ka sa gihatag nga tambal. Unya sa pagpalit nimo ini sa botika, ayaw kalimot sa pagpangutana kun unsay gamitan sa tambal nga paliton mo aron imong makonpirmar nga kana tukma gayud alang sa sakit. Sa pagtumar, pihoa nga mao gyud kana, basin laing tambal ang makuha sa imong kabinet.

Mas maayo sab makighinabi ka sa ubang mga doktor, aron pagkuha sa mga opinion mahitungod sa imong sakit. Ang doktor, tawo usab kana nga may higayong mosipyat, busa iseguro gyud nga makab-ot ta ang hingpit nga kaayohan sa atong panglawas. Pangutan-a gyud kun makigkita kas doktor mo.

* Unsay generics o mga branded names niining tambala?

* Para unsa man gyud ning tambala- makahimo ba kini sa paghulip sa tanan nga akong natumar na?

* Kapila sa 1 ka adlaw ko kini buhaton? Unsay gidugayon? Kinahanglan bang patabanan gyud sa tubig o pagkaon o tukmang oras? Unsay mga side effects o unsay buhatong remedyo?..*Dili ba kini kuyaw o mahimong makadaut sa kasamtangan kong gitumar nga tambal o mga bitamina?

Ug kuhaa ang tel o cel nos. niya, alang unya sa uban mong katuyoan.