Kay unsa man diay ang paranormal?

Ang PARANORMAL mao ang mga panghitabo nga dili kasarangan o labaw sa natural diha sa naandang mga panghitabo ug kasinatian sa inadlaw nga kinabuhi. Ang Siyensya ang maglisud pagtugkad niini. Ug kay dili man matugkad sa Siyensya mao nga dili katuohan ug mahimong mahisakop nalang sa kalibutan sa pagtuo-tuo o superstition. Ang sanglitanan niini mao ang usa kabutang nga mamahimong mawala sa usa kadapit ug balhinon ngadto sa laing dapit (teleporting). Levitation, telekinesis ug ubang mga isyu kalabot niini.

Hinuon dili nato isipon nga usa ka SUPERNATURAL EVENT kini sanglit bisan unsang Supernatural ang alang lamang sa Dios ug sa iyang pagpamuhat. Ang buhat pananglit sa mga Elemental Spirits ug sa mga Demonyo ang dili maisip nga Supernatural kondili mga PRETERNATURAL OCCURENCES lamang.