Kapahulayan

"Natapos na" mao kini ang katapusang pulong sa atong Ginoong Hesus nga nagpasabot sa katapusan sa iyahang mga pag-antos. Sa atong paghatag og katapusang sakramento sa mga himatyon akong nasaksihan ang nagkadaiyang reaksyon sa mga himatyon anaa ang mga luha nga nagpaila sa iyang kawili sa kinabuhi, ang kabalisa ug ang kasakit nga iyahang giantos ug paglaum nga mabuhi pa.

Dinhi mapamatud-an kung unsa kabililhon ang kinabuhi sa tawo nga usahay subo nga pamalandongon nga wala hatagi og igong bili kay nabanga kita sa kalibotanong butang ug nahikalimtan nga kining butanga dili dumalayon.

Sa akto sa kamatayon anha mahibaw-an kung unsa kaandam ang tawo. Ang balisa ug kahadlok maoy magpasulabi nga bation sa tawong dili pa kadawat. Anaa ang kalisang sa modangat kaniya sa laing kinabuhi. Ang tawong andam ug anaa gisalig ang kinabuhi sa Ginoo mapahiyomon ug malinawon nga modawat niini." Whatever happens to you accept it and in uncertainties of your humble state, be patient since gold is tested in the fire, and chosen men in the furnace of humiliation." ( Ecclus 2:4-5)