Ang altapresyon

Atong nahisgutan sa mga miagi kun unsa kini ka kuyaw nga matang sa sakit kining altapresyon o hayblad, nga di nato mamatngonan nga duna diay ta ani.

Ug ato sad gipaila ang mga timailhan sa mabatyagan kun kumplikado na kini.

Karon atong ilhon o sutaon kun unsay mga remedyo o pamaagi sa pagkontrol o kaha pagpugong nga di kita magrabehan ug malikayan ang komplikasyon nga momugna pa unya og daghang pamation o mga sakit nga ikadaut sa mga sistima sa panglawas. Busa sulaye ang mga mosunod sa ubos kun hain ang mas epektibo alang kanimo.

A) SAGING — Unahag kaon ang 1-2 ka dawin sa saging matag oras sa tigkaon.

B) AHOS – Itumar ang pinanitang ahos, 1-2 ka lusok, kauban sa kada kaon 3 ka beses kada adlaw.

C) RAW COCOA o TABLEYA –Inom sagolig dugos sa putyukan o kinugay sa kamay o stevia-1 ka tasa, 1 ka oras sa di pa matug sa gabii ug sa inigmata sa buntag.

D) SAYOTE – Hugasi daan una paniti, dayon hiwahiwaa human ideretsog humol sa mineral nga tubig. Dangtan og 3 ka oras mahimo nang magsugod sa pag-inom nga ihinubig tibuok adlaw. (1 sayute humolan og ½ litro sa tubig)

E) TANGAD – Magpabukal og 1 ka litrong tubig, dayon ilunod ang hinugasang 3 ka sahang tangad. Human sa 15 mins ., pabugnawa ug pag-inom og 1 ka baso niini, kada dili pa mokaon.

Unsa may gigamit ninyo niani, ayaw pagdungana ang tanan. Panid-i ang medyo miepekto. Magpa-BP kanunay aron mamonitor mo kun mialibyo ba. Daghan pa unta ning mga remedyo o alternatibo apan limitado kaayo ang atong espasiyo.