Nisimba ko's Roma

Happy Easter! God is risen. Let us rejoice and be glad.

* * *

Nitambong ko og Misa niadtong Huwebes Santo didto sa Roma pinaagi sa Live Coverage sa CCTN Ch. 47 dinhi sa ato. Ang Misa gipahigayon sa Basilica of the Shrine of the Immaculate Concepcion.

* * *

Daghan kong na-obserbahan sa mga pagpanimba sa mga tawo sa maong simbahan kompara sa matang sa pagpanimba sa mga tawo dinhi sa ato.

* * *

Ang Our Father o Amahan Namo, ang pangadyeon nga gitudlo mismo sa atong Ginoo, dili kantahon. Pangadyeon lang diin ang mga kamot naa ra sa dughan. Wa’y nagdupa-dupa.

* **

Ato sang nasayran nga ang Our Father dili sad kantahon sa kasagarang simbahan sa Europe ug Amerika. Kini tungod kuno kay naglainlain man ang linguwahe sa nanimba ug wala’y common composition nga dunay common lyrics ang Amahan Namo.

* * *

Bisan dinhi sa ato nagkalain-lain man ang composition/music/lyrics sa Amahan Namo mao nga daghan manimba nga dili mokanta, mangadye lang.

* * *

Didto sa ilang Basilica, inig komunyon kadtong gusto mokalawat og bread and wine puwede. Naay kupa nga nasudla’g bino diin moinom ang mga mangalawat.

* * *

Inegwali (homily) ang tanang nanimba seryosong naminaw ug ang uban moyango-yango kun aprub sila sa giwali sa pari.

* * *

Solemne kaayo ang sud sa simbahan samtang nagpadayon ang Misa. Bisan igham sa nanimba wa ko’y nadunggan.

* * *

TRIVIA.... Happy Easter sa atong mga higala diha sa mga kartel sa sundawo ug kapolisan. Salamat sa inyong support sa atong Banat News.