Pagtuo ug pagsalig

Dunay panultihon nga nagkanayon "Where there is light there is hope" sa binisaya pa "Asa ang kahayag anaa ang paglaum".

(Pero dihay tinun-an na-late samtang nagpasabot ang magtutudlo sa maong panultihon)

Mana : Class "Where there is light there is hope" means faith, trust and confidence.

Bitoy: Good afternoon mam.

Mana : Bitoy late na sab ka!

Bitoy : Sorry Mam

Mana : I will let you set-in to my class kun masulti nimo unsay sumpay ining "where there is light-

Bitoy: Ay kasayon Mam, "Where there is light no browm out"(Toink/Aguy!) Hehehehehehehehehehe!

Natandog kaayo ko sa gipakitang kalig-on sa usa ka Oscar Tabanog nga taga Tigbao Zamboanga Del Sur nga nahimong bisita sa tulomanong Rated R sa DYAB 1512 ABANTE PA BISAYA tungod sab sa usa ka polis sa PNP Regional Office nga tigpaminawan nga maoy una niyang nadangpan.

Ang 28 anyos nga si Oscar magsaguyod na nga molakaw ug dili na diritso nga motabi human atakeha sa sakit nga wala matino ang hinungdan ug klase sa atake nga miresulta sa iyang kasamtangang kahimtang.

Bisan og lisod na nga molakaw, bisan mihural na ang iyang mga ginikanan nga makapatambal kaniya nanglimbasog pag-anhi sa Sugbo sa iyang kaugalingong paningkamot. Ang tuyo nanimpalad nga dunay tawo nga makatabang kaniya pagpahiling sa doktor.

Wala makawang ang iyang kahago ug paningkamot pinaagi sa mga tigpaminawan sa DYAB. Nahatagan siya og kwarta pagpahiling sa doktor, napalitan sa kompletong tambal nga girisita ug nakauli nga may balon pang kwarta nga iyang magamitgamit.

Ang labing nakapatandog naku sa iyang kahimtang dili ang abtik nga tabang sa mga Sugboanon kun dili ang iyang hugot nga pagtuo ug pagsalig sa iyang panlimbasog nga makakaplag og tubag sa iyang gitinguha.

Talagsaong determinasyon taliwa sa kalayo ug kapit-os sa iyang kaugalingong kapasidad.

Buhing sanglitanan, buhing sumbanan ug labaw sa tanan buhing kamatuoran nga ang kakulian dili babag pagpangita sa kalamposan.

Manghod ra man sa akong gibati ang dili malalis nga kaaghop sa mga Sugbuanon tugoti ko nga akong pasalamatan ang kalumo sa kasingkasing sa mga binuhat nga mitabang kang Oscar ubos sa akong tulomanon. Akong pasalamat ni Mr. Jhonny V. Delos Reyes nga mas naila sa tulo ka titik nga "JVR" kinsa kanunay nga motabang sa mga nanginahanglan nga modangop sa DYAB, Sa akong bag-ong naila-ilang tigpaminawan nga si Mr. Novelito Quibod ug sa mga nagdumili pagpaila sa sulod ug sa gawas sa Nasud, ngadto kang Cebu Coast Guard Station Commander Rolando Punzalan ug kang Talisay City DSWD Head Bebeth Sulana daghan kaayong salamat. Dili man masiguro ang kaayohan ni Oscar sa mga tabang nga iyang nadawat apan dako siya og natampong sanglitanan sa pulong paningkamot ug panlimbasog. Og unsay labing halangdon nga sekreto ni Oscar sa iyang determinasyon?

Pagtuo ug pagsalig sa labaw’ng makagagahum.

(Maghisgot bitaw tag sanglitanan dihay usa ka tawo nga walay duha ka kamot)

Buloy: Tan-awa nang tawo Toy nga walay kamot bisan sa kakulian nagsayawsayaw.

Bitoy: Bitaw no maayo nga sanglitanan. (Ilang giduol ug gipangutana)

Buloy: Bay pwede mahibaw-an unsay imong sekreto malipayon ka man bisan walay kamot?

Bitoy: Bitaw Bay segi kag sayawsayaw bisan pungkol, belib kay mi nimo.

Menggoy: Dili ko malipayon oy ug wala sad ko magsayawsayaw.

Buloy/Bitoy: Ha! nag-unsa man diay ka?

Menggoy: Katol kaayo akong bugan mao nga ako nalang gikisikisi (Toink!/Ayay!) Hehehehehehehehehehehehehehehe!

(Pero niay deadly ay nga sanglitanan sa duha ka piniriso)

Siano: Bay unsay sala nimo?

Menggoy: Gipatay naku akong asawa.

Siano : Pilay priso?

Menggoy : Usa ka bulan ra.

Siano: Ha! usa ra ka bulan? ang ako nga kulata ra pito ko ka bulan prisohon may pag ako na lang sad gipatay da. Inig human sa usa ka bulan gawas naka?

Menggoy: lethal ejection na.

Siano : Ayay! (Toink!) Hehehehehehehehehehehehehe!

(emailad:[email protected])