Ang kadako sa iyang pagtamod sa templo

Ang Templo nahimong sentro sa inadlaw-adlaw nga kalihukan diha sa kinabuhi sa mga Judio. Sa laing bahin, ang kini usab ang nahimong sentro sa patigayon. Sa dihang gihimo ni Cristo Jesus ang paglimbuwad sa mga lamesa sa patigayon iyang gibangga dili lang ang mga kadagkoan sa templo kun dili ang Romanhong imperyo gyud mismo nga maoy niresulta sa iyang kamatayon.

Nahimo naman hinuon siyang hulga alang kanila. Apan si Jesus ang nagtudlo kanato ning mosunod: Una, ang balay alampoanan angayang himuon nga tinud-anay nga dapit sa pag-ampo ug dili himuon usab kining komersiyo.

Ikaduha, kun ingon ini kalawom ang iyang gugma sa balay-alampoanan kita pud unta ang mohimo sa ingon.

Ning panahon sa kuwaresma angay lamang nga atong lig-onon ang atong pagtamod sa balay alampoanan pinaagi sa pulong ug sa buhat... sa pagsulod nimo sa simbahan imo bang gipaningkamotan nga mapatunhay ang maampoong kahilom?