Suicide: Ikaduhang bahin

7. Eating disorder diin ang batan-on makasinati og anorexia o dili ba kaha bulimia. Kining maong mga sakit adunay dakong kalambigitan sa hunahuna sa pagdaot sa kaugalingon. Sa ato pa, potentially suicidal kini.

8. Gift-giving diin ang bisan unsang butang nga mahinungdanon unta alang sa batan-on ang mahimo kaayo nga iyang ipanghatag sa higala o dili ba kaha sa usa sa mga sakop sa pamilya.

9. Trauma. Matag usa kanato adunay gitawag nilang emotional threshold o internal breaking point. Ang usa ka traumatic experience ang posibleng hinungdan sa usa ka batan-on nga magpakamatay na lang. Sama pananglit niadtong nabiktima sa abusong sekswal.

10. Personality change diin ang kanhiay nga buotan ug matinahurong batan-on ang nahimong nipakita sa mga sukwahi nga mga taras ug mga kinaiya nga dili natural alang kaniya.

11. Threats kon hulga. Diin ang mga batan-on mamahimong mosulti ning mosunod: “Mas maayo pa nga wala ko matawo, kaayo ikatulog nga wala’y mata-mata.” Kining mga pulonga ang nagpasabot og: “Akong patyon ang akong kaugalingon!”

Mao nga ang mga ginikanan ang gikinahanglang dunay hands-on gyud sa ilang mga anak. Dili maayo nga sila mamahimong distant caregivers lamang ngadto sa ilang mga anak. Adunay panginahanglan nga dili kabugtian og kuwarta. Kun pananglitan ang mga ginikanan ni Eboy ang kanunay unta nga anaa uban nila ila untang makita ang mga timailhan nga gipakita ni Eboy pinaagi sa iyang mga drawings nga naglangkob ning mosunod nga mga simbolo: Swastika, anarchy, Nero’s cross, Diana and Lucifer. Mga simbolo sa satanismo nga gigamit sa mga batan-on sa pagtuo nga sila kabahin lamang sa uso.