40
Ingon sila, Life begins at 40. Kini usab ang kahulogan sa atong Panaw sa KWARESMA. (nga sa ato pa, 40), diin ato na pud sugdan ang panaw aron tadlason ang 40 ka adlaw sa PAGPAMALANDONG sa atong kahimtang diha sa atong pakiglambigit sa Dios ug sa atong isig ka ingon. Ang kwarenta nagpahinumdom kanato sa mahimong epekto sa PUASA, PAG-AMPO, ug BUHAT SA KALUOY.,
PUASA dili lang sa bisan unsang pagkaon kondili sa atong mga lugak nga paggamit sa atong kaantigohan.
PAG-AMPO diin atong gihimo nga mosuod ang Dios sa atong kinabuhi ug kita sa iyang presensiya.
BUHAT SA KALUOY diin atong gihimo kini agi’g pagduyog niadtong mga nagkinahanglan.
Ning 40 ka adlaw sa Pamalandong atong hinuklogan ang makaalim nga pagpasakit ni Jesu-Kristo. Karong panahona dili panahon sa kagul-anan kun dili, panahon karon sa pagpangita og kahulogan.
Busa dili maayo nga pokus ka lang sa imong kadautan. Hinumdomi nga dunay maayong butang nga giandam sa Dios alang kanimo.
- Latest
- Trending
