Hiwa sa kasingkasing

Sa gamay pa ko kanunay kong makadungog sa kanta sa akong amahan nga naghisgot og paghiwa sa kasingkasing.

Ang awit naghulagway sa usa ka sulogoon nga nahigugma sa usa ka prinsesa apan naabtan na lang sa iyang kamatayon nga wala makapadangat sa iyang pagbati. Dihang gipasusi sa hari og unsay sakit pinaagi sa paghiwa sa iyang kasingkasing may papel nga nilikit. Pag-abli ug pagbasa sa prinsesa didto napatik ang iyang gugma.(Toink! Estoryaheeeeeeeeeeee!)

Bitoy: Sugta na gud ko Senyang.

Senyang: Dili ko, tinud-anay kaha nang imo.

Bitoy: Tinuod ni oy. O niay kutsilyo hiwaa akong kasingkasing.

Senyang: Tinuod ka? Be atong suwayan.

Bitoy: O basta dunay E.

Senyang: Unsa manang E?

Bitoy: Enistisya gud.(Toink!/Aguy!)

Hehehehehehehehehehehehehehehe

Gihimo gahapon Pebrero 21, 2012 ang una ug makasaysayanon nga operasyon pag-abli og kasingkasing sa bag-ong Heart Center sa Don Vicente Sotto Memorial Medical Center ang kanhi Southern Island Hospital.

Matang sa medikal nga pag-atiman nga labing gastoso apan nakahatag og lapad nga paglaom sa labing kabus nga hut-ong sa katilingban nga mapaubos na sa samang pag-atiman.

13 anyos nga si Cristabel Boybanting, taga Hagimit Siyudad sa Naga ang labing unang pasiyente nga naatiman sa mga espesyalistang doktor sa VSMMC. Ang Sentro sa Kasingkasing sa VSMMC maoy ikatulong pampubliko nga dangpanan sa tibuok nasud. Ang una ang Philippine Heart Center sa Luzon ug ang ikaduha ang Southern Philippines Medical Center sa Mindanao.

Hinaot nga ang dili tiaw nga paningkamot sa paghingpit sa maong proyekto dinhi sa Visayas nga nahimutang sa kasingkasing sa Sugbo dili mahimong sanglitanan sa pagdangop unya sa mga kabus nga nagkinahanglan sa serbisyo. Dili man libre ang maong pangalagad hinaot nga makapahimos ang labing ubos nga hut-ong sa katilingban nga labaw’ng nagkinahanglan sa pag-atiman ug pagtagad sa gobiyerno.

Alang sa pangu sa VSMMC nga si Doktor Gerardo Aquino ug sa mga espeyalistang doktor sa Sentro sa kasingkasing Congratulations, Good luck, ug mabuhi ang inyong makuting tahas.

Mana: Senyang tinuod nga duna nay heart center ang Vicente Sotto?

Senyang: Tinuod Nay ngano man?

Mana: Magpaopera ko sa akong kasingkasing.

Senyang: Ha! Kay naa diay kay sakit sa kasingkasing?

Mana: Wala man! Ako lang sang ipakuha kadiyot aron dili ko maluoy og kulata sa imong palahubog nga amahan(Toink!/Ayay!)

Hehehehehehehehehehehe!

Bitoy: Hay miss! Heart center ka ba?

Senyang: Why man?

Bitoy: Ipatan-aw ko lang akong kasingkasing kay inlove kaayo nimo.

EEEEEEEE eeeeeeee….. Estoryaheeeeeeeeeeeeee!

Mana: Bitoy bantayi gyud na imong Tatay ha nga dili motan-aw og baye nga baka.

Bitoy: Ngano man Nay.

Mana: Kahibawo bitaw ka bag-o ra na gioperahan sa kasingkasing.

Bitoy: Ngano man diay?

Mana: Ato ra ni, temporaryo ra na ang gipuli nga kasingkasing kay wala pay donor gibutangan lang una og kasingkasing sa baka busa ayaw patan-awa og baye nga baka kay basin og mahigugma (Toink/Ayay!)

Hehehehehehehehehehehehehehehe!

([email protected])