Badlis sa kapalaran

Mga pipila ka bulan pa ang muabot maoy atong masinati ang pagkisaw na usab sa mga kalihokan sa politika sa pagpangandam sa umaabot nga 2013 local election.

Daghan ang gustong mosulod sa politika ug ato kining mamatikdan sa panahon sa piniliay nga daghan kaayong kandidato nga mosuroy sa kabarangayan sa pagpaila sa ilang kaugalingon ug mangayo sa katawhan nga suportahan ilang kandidatura.

Sa natad sa politika ang mga kandidato maninguha gayod sa ilang kadaugan maoy hinungdan nga mopalihok kini sa iyang makinarya sama sa mga tawo ug kuwarta.

Hinuon adunay mga politiko nga daghan kaayo og kuwarta nga magamit niini sa kalihokan sa politika apan dili makadaug kay ang kuwarta adto man paingon sa ilang lider ug wala makaabot ngadto sa mga tawo.

Adunay mga kandidato nga nakasakay og maayong partido nga bisan kun dili inila sa katilingban sa gihapon maangkon og kadaugan kay nadala man sa kahig sa iyang mga kauban.

Adunay mga politiko nga dako kaayo og gasto sa panahon sa iyang pagpangampanya hapit na mahurot ang kabtangan apan wala man gayod magsilbi kay wala man kini makatabang sa gitinguha niining kadaugan nga mahingpit ang iyang pagka politiko sa higayon nga maghupot na og katungdanan.

Walay kalainan sa tawo nga kabus naningkamot nga mahimong maadunahan apan bisan kun giunsa niya paghago iyang kaugalingon kabus lamang gihapon kay mao man ang “Badlis sa Kapalaran