Sa miagi atong gihisgutan ang mga diskarte sa pagdaginot. Kun imo na kini gisuheto o nahimo, mas malipay ka usab kay pinaagi niana makabaton ka’g mga tinubdan nga madungagan ang imong kita gawas sa naandan mong gibuhat o trabaho. Unsa mang paagiha nga duna pa tay laing kitaon, mao kini:
* Mas palig-onon ang pakighigala sa mga tawo nga adunay kalambigitan sa mga negosyo pinaagi sa tiunay nga mahigalaon.
* Maalagaron sa kaabtik sa isigkaingon ug ipakita ang kompiyansa nga ikaw kasaligan. Alisto sa pag-alagad sa iyang mga panginahanglan.
* Kugihan sa pagtabang ni bisan kinsa sa ilang personal nga mga panginahanglan ug ipakita nga ikaw di mobalibad sa ilang pamalihog.
* Matinud-anon nga kapiyalan nga di mopahimus sa pagtukob tungod sa dakong ganansiya. Igo na nga di maalkanse basta may ganansiya.
* Mogiya sa panginahanglan mosugyot unsa ug asa mas maayo nga makapalit sa iyang kinahanglanon ug dad-a sa mga suki o kailang tindahan nga may komisyon nga ihatag kanimo. Sa nipalit kadawat ka sab og pabuya sa kaikog sa gipakita nga pagtabang.
* Lig-onon ang relasyon taliwa sa tindahan ug sa pumapalit, aron madoble ang imong madawat nga serbisyo o kitaong komisyon, diskuwento ug pahalipay sa mga transaksyones. Ug unya modaghan ang dawatonong kita.
* Pangangkat o pang-ahente nga mamaligya bisan unsa, serbisyo o butang diin may madawat kang benepisyo nga mahimong kitaon. Kun eksperto ka na ini, daghan kang madiskubre nga laing paagi nga mokita.