Giabot og katingala ang mga katawhan kun nganong si Mr. X suod man kaayo ni Mr. Y nga unta si Mr. X bati man og batasan. Kini tungod kay si Mr. Y nasayod man sa ig-anan ni Mr. X.
Diha sa atong kinabuhi, anaa gyud nang atong weak points. Ang atong weak points mahimong lantawon nato ingon nga.
a.) Kahuyangan nga mopadayag sa atong inordinate emotions sama sa kasuko. Mao nga kun dunay maka-trigger kanato masuko dayon ta.
b.) Dapit sa kiliti diin bisan pa man sa atong kamaldito o kasalbahis, kita malukmay.
Matag usa duna niini. Kay duna man ta niini, atong tinguhaon nga atong madumala sa husto nga paagi. Kini tungod kay mahimo kitang mapahimuslan niadtong mga tawo nga makabasa niini. Apan sa laing bahin, mahimo nato ning magamit, ingon nga kahimanan aron mas mogawas ang maayo sa usa ka tawo.