Usa ka maanindot nga talan-awon ang balangaw. Niadtong bata pa ako, ang balangaw maoy among tudlo-tudluon dayon paak sa among tudlo kay matud pa sa mga gwatsinanggo namong mga magulang og edad makapungkol kuno. Mao nga human sa pagpasingulan panahon sa bakasyon, amo dayong sud-ongon ang balangaw uban ang inosenteng panahom mahitungod niini.
Si Lisa Manspeaker nagkanayon: “Everyone loves a rainbow because in it, they can find a color that represents them.” Matag usa nato dunay gipangandoy nga kab-oton ug sination. Ato silang gitudlo uban ang mahinganghaong panlantaw. Ang matag kasinatian angayan natong tipigan diha sa atong kasingkasing ug hunahuna sa panghinaut nga magmalipayon kita uban niini.
Matud pa bitaw nila: “All of the animals except man know that the principal business of life is to enjoy it!” Ang balangaw bisan pa man halayo ang nipahinumdom kanato kun unsa diay kamabulukon sa kinabuhi bisan pa man sa mga higayon nga kita magbagulbol gumikan sa kawalay kaangayan sa kinabuhi mismo ug sa mga tawo nga nalambigit niini. Apan angay gihapon kitang maglipay sanglit bisan pa man kun unsa kita ka niwang kun kita iro pa lamang aduna gihapon kita’y pulgas. Nga sa ato pa, bisan yam-iran pa kita sa uban duna gihapon ang tawo nga manalipod kanato ug mopabati kanato sa atong kabililhon.
Pamalandongi kini: “One of the best memories in my life was knowing someone like you and even if I don’t have a lot of time to be with you, I want to know how much I treasure you since the day I knew you!” Mao kini ang hinungdan kun nganong hangtud karon ako ug ikaw nagpakabuhi lang gihapon. Husto si Benjamin Disraeli sa iyang pag-ingon: “We are born for love. It is the principle of existence, and its only end.!