Ilusyonado

Anak: Tay, mabdos ko!

Tatay: Sige, katulog sa diha.

Anak: Tay, wala ka masuko?! Dili ko nimo sagpaon, sikaran?! Unsa kang matanga sa amahan nga wala’y pagpakabana sa imong anak!

Tatay: Hoy, Berting ang imong pagkabayot nadawat ko na, apan ang imong pagburos-buros shit! Kaluod nimo oi!

Daghan ang sama ni Berting nag-ilusyon sa bisan unsang imposible. Dili man dautan ang paghimo og usa ka daydreaming labi na kun kini himuon gyud sanglit tinugotan man sa kinaiyahan. Apan dunay mga ilusyon nga usa ka dakong supak sa kinaiyahan. Sama ni Berting nga buot mamahimong inahan bisan wala’y matris. Apan dunay komplikado kaayo nga kahimtang sa kinabuhi sa tawo nga angayang pakanaugan og usa ka hukom sa mga nalambigit.

Usa ka babaye ang miingon sa iyang hinigugma: “Wala’y padulngan ang atong relasyon! Dili gyud ta tingali alang sa usa’g-usa!” Ang lalaki mitubag: “Kana kun atong pilion nga kita dili gyud magdayon dili ba?” Ingon ini usab ang kalipay. Si Steve Arrington ang nipahinumdom: “Your future happiness depends on the choices you make!” Ug alang sa maong lalaki siya nipili sa maong babaye. Dili man tuod happily ever after apan sagdi lang kay sila happy.