Usa sa mga birtud nga nahuptan sa mga Sugbuanon nga wala sa uban mao ang pagkamapahiubsanon. Ang mga sikat nga mga Sugbuanon nga nabantog sa ilang pagkamapahiubsanon mao si Don Sergio Osmeña ug Don Vicente Rama,
Klaro kaayo nga nagtamod sila sa panultihon nga nagkanayon sa iningles “The greatness of man lies in his simplicity” ug “Smooth runs the water where the water is deep.”
Suma pa sa mga nakaila kang Osmeña ug Rama nga ang duroha dili gayod mopalabaw og estorya. Hinuon, kanunay silang magpaubos.
Ang duha klaro ug tataw kaayo nga nagtamod sa balaang kasulatan nga nagkanayon “Bulahan ag magpaubos kay ang magpaubos ipataas ug ang magpataas ipa-ubos.
Nagtamod sab sila sa panultihon ni Gen. Carlos P. Romulo nga nagkanayon “the taller the bamboo grows, the lower it bends.” Ang mga tawong mapahiubsanon kahimut-an sa katawhan apan ang mga tawong hambugero ilang gikasilagan.
Kun ang mga Sugbuanon imong ingnon nga dato na tubagon ka lang sa pag-ingon “dili uy”, duna lang koy gamay, igo-igo ra kung kainom og tubig. Kun imo silang ingnon nga mansion na ang ilang balay tubagon ka lang og bati na ang akong balay ug payag ra na. Ang mga Sugbuanon dili gayod mopalabaw og sulti. Kining birtud nga gihuptan sa mga Sugbuanon mao ang hinungdan nga gipasigarbo ko ang akong pagka-Sugbuanon.