Daghan ang nakamatikod nga ang mga Lhuillier nga pamilya dinhi sa Sugbo dili gyud mawa sa mga kalihukan diin ang Sr. Sto. Niño maoy gipasidunggan.
* * *
Usa sa mga naka-obserbar niini mao si higala Leonardo “Daido” Angel ug ang iyang pag-umangkon nga si Meljude. Matud ni Daido kanunay niya makita ang magtiayong Michel ug Amparito Lhuillier sa mga kalihukan alang sa Sto. Niño. Nakadayeg sila.
* * *
Sa closing na kuno sa Sinulog festival ang magtiayong Lhuillier didto sa Cebu City Sports Center nakiipon sa mga tawo nga nanghugyaw ug nagsayaw-sayaw samtang nagsidlak ang kalangitan sa mga kwitis ug fireworks nga mura’g milikup sa kalikupan adtong masadyang gabhiuna.
* * *
Bisan asa sila ning nasud tang Filipinhon ang mga Lhuillier nailhan nga mga Cebuano kun Sugbuanon. Bisan sila dili igkalalis nga langyaw ang pamayhon.
* * *
Mao nga pinangga sila sa mga Sugbuanon. Ug pinangga usab sila ni Sr. Sto. Niño matud pa ni Daido Angel ug kami miuyon sa maong obserbasyon.
* * *
TRIVIA -- Maayong buntag diha sa mga tripulante sa mga barko nga magbiyahian sa Bohol ug Cagayan de Oro. Salamat kaayo sa inyong suporta. (With JVJ)