Nahimong uso karong mga higayona ang gitawag natong mga single mom o single parent. Kun wala man gani mapaangki, nahimo man nuong buot lang og anak apan dili buot magminyo. Kay lagi ang kaminyoon alang kanila hasol na kaayo ug daghang sabod sa ilang naandang mga buhat. Ang mga amahan nga wala hiilhi mao kadtong mga amahan nga mga missing in action kon MIA.
Naapektohan pag-ayo ang mga bata niini. Nahimong kulang ra kaayo ang ilang pagtubo. Wala nila ma-enjoy ang presensiya sa usa ka ginikanan. Kulang ra kaayo alang kanila. Hinuon, adunay mga higayon nga ang pagka-MIA mamahimong mapadayag diha sa wala paghatag og gibug-aton sa kinatibuk-ang panginahanglan sa usa ka bata sa iyang mga ginikanan. Paigo lang alang kanila ang paghatag sa mga materyal nga mga panginahanglan. Sa laktod nahimo na hinuon silang mga distant caregivers ngadto sa ilang kabataan. Maayo kini nga pagpadayag sa imong gugma ngadto sa imong mga dependents apan kulang ra kaayo kini kun mao kini ang imong prinsipyo sa imong kinabuhi. Sanglit ang tawhanong kalambigitan nagasukad man usab diha sa pakigrelasyon sa paagi nga linawas kon pisikal.
Nahinumdom nuon ko sa akong nabasa didto sa Blue Magic nga nagkanayon:
“I love you for your faithful show of affection, the warmth of your friendship and your genuine concern more than any fate could have to make me truly happy.
You have rendered it all without a touch, without a word and without a sign.
You have brought all these about by being yourself. And thus, perhaps that is what true love is all about after all. I love you!
Ug kun maghisgut kita og pagkamanggihatagon, dili paigo lang ang butang kun dili apil na pud niini ang kaugalingong presensiya. M.I.A. ka ba?