EDITORYAL - Impeachment ni Corona ipadayon

Sama sa nahitabo kang Representante Gloria Macapagal Arroyo nga palargahon gyud unta sa Supreme Court     ngadto sa gawas , maayo nalang kay isug ang taga Department of Justice sa pagpugong kaniya, busa kinsa may nakontento karon sa iyang pagpabilin di ba ang   mga magbubuhis.

Kay kun nakalarga pa siya og dayon sa gawas way laing malipay ug makontento gawas sa iyang pamilya ug ang Korte Suprema.

Apan ang publiko nga maoy iyang gialagaran sa president pa siya, wa gyud untay kalibotan nga daghan diay siyang kasong atubangon gumikan sa mga kahiwian nga iyang nahimo sa diha pa siya sa katungdanan isip pamuno nasud.

Busa sa mga tawo nga milaban sa publiko labaw kay sa mga gamhanang maghuhukom sa Korte Suprema, angay silang pasalamatan..

Tungod kay ang balaod, balaod gyud , busa napriso siya sama sa ordinaryong Filipino nga    nakalapas sa balaod ug napriso gyud.

Unya kining kaso usab ni Corona, daghan sa iyang mga kaubanan nga di gyud gusto nga ipadayon ang imbistigasyon kay makagusbat kuno sa demokrasya sa nasud.

Unsa bang demokrasyahang magusbat oy nga kakonserbatibo sa mga Filipino.

Ang kadaghanan gustong masayud unsay iyang gihimo sa iyang paghupot og katungdanan sa gobyerno, unya makaguba diay sa demokrasya?

Maayo nalang gani kay isog usab ang mga magbabalaod sa pag-impeach ni Corona ug gipaabot sa mga Filipino nga masayran ang kamatuoran kun wala ba siya magluib sa pagsalig kaniya sa katawhan.

Kay kun mamatud-an nga gilimbongan niya ang pagsalig sa mga magbubuhis, aw delikado kun mahisama siya kang kanhi presidente Arroyo . Di   ba?