Kangkong, kamote, gabi!

Kahinumdom ko sa high school pa mi, duna koy classmate nga mas bulok kay kanako, matag karon ug unya, di gani makatubag sa pangutana, insultohon dayon (ipaagi lag komedya) sa among maestro: “Go home and plant camote!” Sa ato pa, ayaw nag eskwela, pananom na lag kamote.

Mao ni ang nakadaot natong mga Pinoy kay nakaminos kita sa atong mga tanom-makaon. Mibiya kita sa mga kamote, kangkong, gabi, agbati, kamunggay, saging, paliya, sayote, siko-karabaw, ug daghan pa, ug atong gipulihan sa mga burger, sandwich, junkfoods, hotdog, ug ubp.

Karong bag-o, nakabasa kog article nga nag-awhag: Eat camote for breakfast. Unya, diha say akong nabasahan nga nag-ingon nga ang kinaham nga pagkaon ni Manny Pacquiao mao ang kamote.

Ug sa mga health tips karon, giawhag ang pagkaon sa fruits and vegetables, ug minosan na ang intake sa karne, ilabina, tambok. Nagtuo ta nga puno sa nutrients ang mansanas, apan sa akong nabasahan, lupig ang mansanas sa atong lakatan nga saging.

Sa article nila ni R. Valencia ug S. Bismark sa Inquirer, ilang giawhag ang pag-balance diet. Sa ato pa, dili pagpatuyang og kaon sa usa ka particular nga food, unya, di na lang ka magtagad sa ubang matang sa pagkaon. Sige lang lechon, yam-iran na lang ang kamunggay ug agbati. Dili balanced.

Matud nila: “Having a well-balanced diet is essential for proper nutrition, and adding even just three ingredients – kangkong, kamote and gabi – to your daily meals will make it easier to achieve it.” Sa ato pa, pag-achieve sa balanced diet, igo na kaayo nga atong idugang sa atong potahe matag adlaw, ang kangkong, kamote ug gabi.

Kangkong. Ang Iningles diay ining kangkong, water cabbage, gitawag sad nga Chinese water spinach. Kita mo ni Popeye nga inigkaon niyag spinach managko dayon ang iyang mga braso, kusgan dayon. Ug tungod kay ang kangkong rich in fiber, manglimpiyo kini sa digestive system, ug puno sa mga vitamins A, C, B6, folate, riboflavin, thinamin, calcium, iron, magnesium, phosphorus, potassium, zinc, copper manganese ug selenium. Kadaghang bitamina ini!

Kamote. Giingon dinhi nga: Like a complete multi-vitamin, the leaves and roots of kamote are sources of good nutrition. Kamote helps eliminate fatty acids lodged in the blood vessels making it good for people with hypertension. Tinubdan usab sa daghang bitamina, sama sa kangkong.

Gabi. Gabi is highly nutritious and full of fiber that lowers cholesterol and keeps the digestive system healthy, enhances milk and urine production and stops bleeding in wounds. Ang mga dahon niini puno usab sa mga bitamina. It boosts immune system, aids muscle functions, and helps metabolize proteins and fat. 

Sa mga mountain barangay, among nakita nga ang mga senior citizens baskog pa kaayo. Kini tungod sa inadlaw nilang pagtikad sa kaumahan ug pagkaon sa hustong pagkaon, sama sa kangkong, kamote ug gabi.

In the meantime, idugang sa inyong balanced diet, ang pagpaminaw sa Senior Citizens Hour sa DyRC, 648 kHz, matag Sabado, 4:00-6:00 pm. Tels. 4125249, 2388173.